Kis Karta Naheen, Karavaaya Jaata Hai Arshad

Movies » Tuesday, March 26, 2013

Chandra mohan sharma. . Haal hi mein film 'Jolly LLB' mein najar aae Arshad varasi se hui ek khaas mulaakaat mein unhonne bataaya ki vah apni ko-stars ko kis naheen karte, balki aisa unase karavaaya jaata hai. Padhein kya-kya bataaya hamein Arshad ne. . . Kya vajah hai ki aap jyaadaatar filmon ke ofar thukara dete hain? Ji haan, lekin iske baavajood in dinon main chaar filmon ki shooting mein biji hoon. Jis industry se juda hoon, vahaan aaj bhi bhedchaal hai. Agar aikshan film hit hoti hai, to aisi darjanon kahaaniyaan likhi jaati hain. Mujhe lagta hai aisa karke ham darshakon ko bevakoof banaate hain. Mainne apne manager ko saaf lafjon mein kaha huaa hai ki main sirf unheen filmon ki script sunoonga, jinmein mujhe kuchh naya karne ka mauka mile. Baaki kaam mera manager poora karta hai. Aapki agali film ka title 'Jo bhi karva lo' double meening lagta hai? Office ka boss jab apne kisi staaf parsan se poochhata hai aap kya kar sakte ho, to javaab milta hai 'Jo bhi karva sakte ho'. Main jab is title ko book karaane gaya, vahaan bhi mujhe yahi sunane ko mila tha. Jolly LLB ke director ki pehli pasand Shahrukh Khan the? Isse mujhe kya lena-dena! Pichhle saal is film ke director kahaani sunaane aae, to mujhe unase hi pata chala ki unhonne mere sekretari se chaar saal pehle script sunaane ke liye vakt maanga tha, lekin sekretari saahab ne unhein milne ka vakt tak naheen diya. Is beech hujoor Shahrukh saahab se bhi mile, lekin ghoom fir kar film fir mere paas pahunch gayi. In dinon aap bhi khoob kis scene karne lage hain? Are, kis scene mujhse karavaae jaate hain. Director ki baat to sar maathe par rakhani hoti hai, lekin mujhe jab lagta hai ki script ya kirdaar mein kis scene fit naheen baithata, to main inkaar bhi kar deta hoon. 'Jila Ghaziabad' ke baad ab aapki doosari film court mein pahunchi hai. Har film par vivaad ki kya vajah hai? Har koi samajhta hai ki glaimar industry aur iske log sauft taaraget hain. Jab chaaho, un par mukadama kar do. Ab jolly LLB ki baat sun leejiye. Pichhle dinon Mumbai ke ek aidavoket ne title mein jolly shabd hataane ko lekar mukadama kar diya, kyonki janaab ka naam jolly hai. Pichhle dinon kai filmon mein aapne haut scene kiye, kya aisi filmon ko aap faimili ke saath dekhte hain? Naheen, main bhi doosaron ki tarah faimili ke saath achhi aur saaf-suthari filmein dekhna pasand karta hoon. Yakeenan 'Kaai po che' jaisi filmein faimili ke saath dekhne waali filmein hain. Haan , main akele ya doston ke saath kaun-si filmein dekhta hoon is baare mein na poochhiye. Aap 20 saal se filmon mein kaam kar rahe hain. Kabhi director banane ka khyaal naheen aaya? Yakeenan mujhe director banana hai, lekin kisi aisi-vaisi film ka naheen, balki aisi yaadagaar film ka jo banane ke barso baad tak darshakon ko yaad rahe aur main bhi budhaape mein apne bachchon ke saath jab us film ko dekhoon, to garv mahasoos kar sakoon. Aisa bhi naheen ki mainne is par kaam shuroo naheen kiya hai. Kuchh najadeeki doston ko achhi script likhne ke liye kaha huaa hai. Jab bhi koi manapasand script haath mein aaegi, to tabhi director ban jaaoonga