Kiran Bedi Ne Raajaneeti Mein Aane Ke Sanket Diye

Breaking »

Kiran Bedi Ne Raajaneeti Mein Aane Ke Sanket Diye

File photo File photo Nai Delhi: kuchh din pehle Narendra Modi ki kaaryashaili ki taareef karne waali poorv IPS adhikaari aur team anna ki sadasya raheen kiran bedi ne aaj raajaneeti mein aane ke sanket diye. bedi ne tweet kiya, 'Main kshamata ke aadhaar par bhaarateeya raajaneetik seva mein jaane ki baat se ab aur inkaar naheen karti. Main is disha mein kuchh lacheela rukh apna rahi hoon. ' haalaanki, jab kiran bedi se poochha gaya ki kya vah bhaajapa mein shaamil hone par vichaar kar raheen hain to unhonne koi javaab naheen diya. anna hajaare ki muhim mein sakriya rahane waali bedi khulkar Modi ke netrutv ki taareef kar chuki hain. 16 May ko chunaavi nateejon ki ghoshana ke baad unhonne tweet kiya tha, 'Aisa lagta hai ki desh pichhle kai saal se anaath tha. Ise antat: Abhibhaavak mil gaya hai jo dekhbhaal karne vaala aur saksham hai. Ham ab rachanaatmakata par dhyaan de sakte hain. ' unhonne ek aur tweet kiya, 'Narendra Modi ke baare mein jhooth aur aashankaaon ko janm dene vaale sabhi logon ko saja mil gayi. Bhaarateeya matadaataaon ne yeh sab dekha. Yeh achhe iraadon ki jeet hai. ' isse pehle kal hi lakshmeenagar ke vidhaayak vinod Kumar binni ne bhaajapa, aap aur Congress se Delhi ke mukhyamantri pad ke liye bedi ke naam par vichaar karne ko kaha tha. Aap se barkhaast binni ne kaha ki nae sire se vidhaanasabha chunaav karaana saarvajanik dhan ki barbaadi hoga. is tarah ki bhi atkalein hain ki agale vidhaanasabha chunaav mein kiran bedi mukhyamantri pad ke liye bhaajapa ki ummeedavaar ho sakti hain.

Kiran Bedi Ne Raajaneeti Mein Aane Ke Sanket Diye https://www.angrejinews.com/pic/51175