Kiraae Badhaane Ka Ailaan Kar 2 Ghante Mein Railway Ka Yootarn

Business »

Kiraae Badhaane Ka Ailaan Kar 2 Ghante Mein Railway Ka Yootarn

Vishesh samvaadadaata, nai Delhi chunaavi nateeje aane ke saath hi railway ne 20 May se maalabhaade aur passenger kiraae mein badhotri ka ailaan kar diya, lekin kareeb do ghante ke bheetar hi railway ne is faisale ko vaapas bhi le liya. Maana ja raha hai ki chunaavi nateejon ke din hi kiraaya badhaane ko lekar uthane vaale savaalon ko dekhte hue hi railway ne apne paanv vaapas kheench liye. Railway ke is badle hue faisale ko 'Modi ifekt' ke roop mein dekha ja raha hai. Railway ne shukravaar shaam ko kareeb 5.30 baje ailaan kiya ki 20 May se maalabhaade mein flat 5 parseint ki badhotri ke saath hi fyool ajastameint kaumponeint ke roop mein 1.4 feesadi badhaane ka ailaan kiya. Iske alaava railway ne paiseinjaron ke liye bhi sabhi kaitigri mein 10 feesadi aur fyool chaarj ke roop mein 4.2 feesadi ki badhotri ka ailaan kar diya. Railway sootron ka kehna tha ki choonki yeh pehle se hi tay hai ki fyool ajastameint ke tahat har chhah maheene mein railway kiraae mein sanshodhan kar sakta hai, isliye shukravaar ko model code of kandakt hatne ke baad railway ne fauran hi kiraaya badhaane ka ailaan kar diya. Lekin maana ja raha hai ki baad mein railway ne khud hi vivaadon se bachane ke liye is faisale ko vaapas le liya. Daraasal, iski vajah yeh hai ki yeh faisala vivaadon ka kaaran banta, kyonki sabse pehle Narendra Modi aur BJP hi is par aapatti jataate. Railway sootron ke mutaabik, iska sabse pehla sandesh yahi jaata ki Modi ke satta mein aate hi sabse pehli maar rel paiseinjaron par padi hai. Jaahir hai ki isse BJP naaraaj hoti aur yeh savaal bhi khada hota ki jab agale ek hafte se das din mein nai sarkaar banane waali hai to kiraaya badhotri ka faisala itni jaldabaaji mein kyon liya gaya. Isi tarah ke vivaadon se bachane ke liye railway ne is faisale ko vaapas le liya aur lagbhag sava saat baje is baare mein jaari kiye bayaan ko bhi hata liya gaya.

Kiraae Badhaane Ka Ailaan Kar 2 Ghante Mein Railway Ka Yootarn https://www.angrejinews.com/pic/50762