Kings Par 'Raaj Karna Chaaheinge Night Riders

Cricket » Thursday, April 25, 2013

Kolkata. . Lagaataar haar se bejaar Kolkata night Riders shukravaar ko aatmavishvaas se labarej kings eleven Punjab ke khilaaf IPL-6 ke match mein utaregi to usaka iraada jeet ki raah par lautane ka hoga. Kekeaar ko Budhvaar ko Mumbai Indians ne haraaya, jo saat maichon mein usaki paanchaveen haar thi. Shahrukh Khan ki team sirf chaar pauints lekar saatavein sthaan par hai. Use ab playoff mein entry ki ummeedein barkaraar rakhane ke liye nau mein se saat match jeetne honge. Doosari or Punjab lagaataar do jeet ke baad aatmavishvaas se otaprot hai. Haalaanki use tournament ki sabse kamjor teemon mein se ek maana ja raha hai. Chot ka chakkar : Kekeaar ko chotil Jack kaalis, manoj tivaari aur lakshmeeratan shukla ki kami khalegi. Lekin unki jagah breindan maikalam, riyaan ten doishe, manavindar bisla aur mohammad shami Ahmad ko apni upayogita saabit karne ka mauka milega. Captain Gautam gambhir ke jehan mein Mohali mein Punjab ke haathon mili chaar run se haar bhi hogi, jiska vah badla chukta karna chaaheinge. Toot gaya tilism : Is baar tranpakaard suneel naraayan naheen chal sake hain. Is rahasyamayi spinner ke tilism ko baitsamainon ne tod diya hai. Mumbai Indians ne Budhvaar ko Eden gaardans par 160 run ke taaraget ka peechha karke jeet darj ki. Unhonne naraayan ko saavadhaani se khela, lekin baaki bowleron ki jamkar dhunaai ki. Pace mein pachada : Is baar pitch freinchaaiji teemon ki marji se naheen banaai ja rahi hai, kyonki BCCI ke nirdesh hai ki teemein dakhal na dein. Isse aamtaur par sapaat rahane waali Eden gaardans ki pitch behtar thi. Lekin kekeaar ko iska nuksaan huaa. Kekeaar ko umda bhaarateeya meediym pesar ki jaroorat hai, jo kisi bhi pitch par wicket le sake kyonki Budhvaar ko kaalis ki kami behad khali. Batting ka batangad : Kekeaar ke liye sabse badi pareshaani baitsamainon ka naakaam rahana hai. Yusuf pathaan team par bojh ban gaye hain, jo baul aur bait donon se vifal rahe hain. Shukla aur debabrat das prabhaavit naheen kar sake. All-rounder rajat Bhatia bhi flop rahe aur unhein pleing eleven se baahar bhi kiya ja sakta hai. Badlaav ki baat : Gambhir ko ab team mein baileins banaane ke liye kuchh kade faisale lene honge. Reyaan ten doishe ko khelaane ki jaroorat hai, jo bait se hi naheen balki baul se bhi kamaal dikha sakte hain. Sachitra senaanaayake ne Budhvaar 12.50 ikaunami rate se run day daale. Unki jagah maikalam ko shaamil kiya ja sakta hai. Vaheen tivaari ki jagah niyamit wicket-keeper bisla ko jagah di ja sakti hai. Badh gaya kaunfideins : Pichhle match mein Delhi Daredevils ko paanch wicket se hara Punjab ka manobal badha hai. Meediym pesar harameet Singh ne 24 run dekar teen wicket liye. Baitsamainon mein yuva mandeep Singh ne ranon ki bhookh dikhaai hai, jabki maaik hasi aur David Miller bhi upayogi saabit hue hain. Captain Adam Gilchrist naheen chal sake hain. Lihaaja team management ko unke baare mein kada faisala lena hoga. Gili ki gafalat : Kings eleven Punjab ko Mumbai Indians se seekh lene ki jaroorat hai, jisne form se joojh rahe apne captain Ricky Ponting ko drop kar rohit sharma ko kamaan saunpi. Isse Budhvaar raat ko Mumbai ki team jyaada baileins dikhaai di. IPL ke sabse bujurg khilaadi 41 varsheeya Gilchrist pichhli saat paariyon mane 15, 9, 0, 7, 26, 4 aur 6 run banaakar flop rahe hain. Lihaaja David hasi unki jagah par kamaan sambhaalne ke behtar vikalp hain.