Khursheed Ne Nasheed Maamale Par Maaladeev Ke Videshamantri Se Phone Par Baat Ki

Breaking »

Khursheed Ne Nasheed Maamale Par Maaladeev Ke Videshamantri Se Phone Par Baat Ki

Dhaaka: Videshamantri Salman khursheed ne maale sthit bhaarateeya uchchaayog mein poorv raashtrapati mohammad nasheed ke sharan liye rahane se paida hui sthiti ke baare mein maaladeev ke apne samakaksh se phone par baatcheet ki hai. Aadhikaarik sootron ne bataaya ki Bangladesh ke aadhikaarik daure par pahunche khursheed ne maaladeev ke videshamantri abdul samad abdulla se phone par baatcheet ki hai. Is baatcheet ka vivran abhi naheen mil paaya hai. Udhar, maaladeev ke raashtrapati mohammad vaheed ne bhaarateeya uchchaayog mein sharan liye poorv nasheed ki aalochna karte hue kaha ki vah desh mein virodh pradarshanon ko hava day rahe hain. Unhonne isi saal September mein 'Svatantr, nishpaksh evam samaaveshi' bahudaleeya chunaav karaane ka vaada kiya hai. Vaheed ka kehna hai ki unki sarkaar desh mein lokatantr ko badhaava dene ke liye poori koshish karegi. Unhonne kaha, mera maanana hai ki is saal svatantr, nishpaksh evam samaaveshi chunaav karaana maaladeev ke raashtreeya hit mein hai. Is chunaav mein sabhi raajaneetik dal bhaag le sakeinge. Maaladeev ke raashtrapati ne kaha ki maaladeev nirvaachan aayog ne elaan kiya hai ki 7 September ko agala raashtrapati chunaav hoga. Vaheed ne bhaarateeya uchchaayog mein sharan lene ke liye nasheed ki aalochna ki. Nasheed beete Budhvaar se bhaarateeya uchchayog mein hain. Raashtrapati rahane ke dauraan pad ke durupayog ke maamale mein giraftaari warrant jaari hone ke tatkaal baad vah uchchaayog mein daakhil ho gaye the. Vaheed ne kaha, mujhe niraasha hui hai ki adaalat ki or se saman jaari hone ke baad poorv raashtrapati ne bhaarateeya uchchaayog mein sharan maang li. Adaalati aadesh ke tahat police unhein giraftaar karti aur adaalat ke samaksh pesh kar deti. Unhonne kaha, iski (warrant) miyaad 13 February ko shaam 4 baje hi khatm ho gayi aur aise mein unka uchchaayog mein bane rahane aur sadkon par hinsa bhadkaane ka koi kaaran naheen hai. Vaheed ne kaha ki adaalati aadesh ke saath unki sarkaar ka koi lena-dena naheen hai. Pichhle dinon nasheed ne maang ki thi ki raashtrapati mohammad vaheed ko nishchit taur par pad chhodna chaahiye aur svatantr evam nishpaksh chunaav karaane ke liye ek antarim, kaaryavaahak sarkaar ka gathan kiya jaana chaahiye. Vaheed ne mitr sarkaaron aur antararaashtreeya sangathanon ko aamantrit kiya ki ve chunaav ki taiyaariyon mein sahayog karein.

Khursheed Ne Nasheed Maamale Par Maaladeev Ke Videshamantri Se Phone Par Baat Ki https://www.angrejinews.com/pic/2190