Khudara Mudraasfeeti March Mein Ghatkar 10.39 Feesadi Hui

Business »

Khudara Mudraasfeeti March Mein Ghatkar 10.39 Feesadi Hui

Nai Delhi. . Ande aur maans-machhali jaise proteen vaale khaadyon mein narami ke chalte khudara mudraasfeeti mein lagaataar ho rahi badhotri March mein tham gayi aur yah ghat kar 10.39 feesadi par aa gayi. Upabhokta moolya soochakaank (CPI) par aadhaarit mudraasfeeti February mein 10.91 feesadi thi. March lagaataar chautha maheena raha, jab khudara mudraasfeeti das feesadi se upar hai. March mein sabji varg ki mudraasfeeti ghatkar 12.16 feesadi rahi jabki February mein yah 21.29 feesadi thi. Is maheene proteenayukt utpaadon - anda, maans aur machhali - varg ki mudraasfeeti 14.36 feesadi aur tel va vasaayukt utpaadon ki mahangaai dar vaarshik aadhaar par 11.72 feesadi rahi. Aaj jaari sarkaari aankadon ke mutaabik March mein anaaj varg ki mudraasfeeti 17.55 feesadi rahi jo upabhokta moolya soochakaank (CPI) ke sabhi khandon mein sabse oonchi rahi. Daal-dalahan varg ki mudraasfeeti 11.38 feesadi rahi. March mein cheeni ki khudara keematein ek saal pehle ki tulana mein 11.65 feesadi oonchi raheen. Kapde aur joote-chappal ke khand mein mahangaai dar is maheene 10.64 feesadi thi. Shahari ilaakon sambandhi khudara mudraasfeeti March mein ghatkar 10.38 feesadi par aa gayi, jabki pichhle maheene yah 10.84 feesadi thi. Graameen kshetr sambandhi mudraasfeeti March 2013 mein ghatkar 10.33 feesadi par aa gayi, jo February mein 11.01 feesadi thi. Thokamoolya soochakaank aadhaarit mudraasfeeti ke aankade somvaar ko aane ki ummeed hai. February mein sakal mudraasfeeti 6.84 feesad thi, jo abhi jyaada maani ja rahi hai. Reserve bank 6 feesadi se oonchi thok moolya mudraasfeeti ko achha naheen maanata . Is beech audyogik utpaadan ki vruddhi dar February, 2013 mein ghat kar 0.6 feesadi par simat gayi. Pichhle saal ke isi maheene audyogik utpaadan mein saalaana star par 4.3 feesadi ki badhotri darj ki gayi thi. Reserve bank teen May ko pesh hone waali saalaana maudrik neeti mein mudraasfeeti aur audyogik utpaadan ke in aankadon ko dhyaan mein rakh sakta hai.

Khudara Mudraasfeeti March Mein Ghatkar 10.39 Feesadi Hui https://www.angrejinews.com/pic/5345