Khud Ko Sarkaari Prabhaav Se Door Karein Saarvajanik Bank Reserve Bank

Breaking »

Khud Ko Sarkaari Prabhaav Se Door Karein Saarvajanik Bank  Reserve Bank

Raghuraam raajan ki file tasveer Raghuraam raajan ki file tasveer Nai Delhi: saarvajanik kshetr ke bankon ko kaamkaaj ki adhik aajaadi ka samarthan karte hue bhaarateeya reserve bank ke Governor raghuraam raajan ne kaha ki ye bank khud ko sarkaari prabhaavi se door rahakar adhik pratispardhi ban sakte hain. raajan bhaarateeya pratispardha aayog mein sthaapana diwas vyaakhyaan de rahe the. Unhonne kaha, agar saarvajanik kshetr ke bank adhik pratispardhi bante hain aur visheshakar agar ve aisa apne 'Saarvajanik charitra' ka balidaan kiye bina sarkaar ke prabhaav se khud ko door kar karte hain, to ve baajaar se aur adhik aasaani se dhan juta sakeinge. unhonne kaha, vaastav mein, jo behtar pradarshan karega, vahi adhik dhan jutaane mein safal rahega, jabki maujooda haalaat mein aise bank ko sarkaari khajaane se jyaada paisa milta hai, jo apekshaakrut kamtar pradarshan karne vaala hota hai. Pratispardha se dakshata sudharegi. raajan ne kaha ki duniya bhar mein aaj bhi sarkaari kshetr mein aise tamaam bank hain, jo badi kushalata se chalaae ja rahe hain aur Bhaarat mein bhi aisa hai. Unhonne kaha, isliye saarvajanik bankon ki pratispardhi kshamata badhaane ke liye nijeekaran jaroori naheen hai. Lekin Bhaarat mein adhikaansh saarvajanik baikon ke parichaalan mein sudhaar ke liye sanchaalan tatha prabandh ke ke taur-tareekon mein badlaav va parichaalanagat tatha paaritoshik aadi ke nirnaya ki aajaadi bahut jaroori hai. unhonne is sandarbh mein haal mein prastut peeji naayak samiti ki sifaarishon ka jrik kiya aur kaha ki usamein inheen baaton ko doharaaya gaya hai.

Khud Ko Sarkaari Prabhaav Se Door Karein Saarvajanik Bank Reserve Bank https://www.angrejinews.com/pic/51223