Khilaadiyon Ne Chunauti Ka Achha Saamana Kiya Dravid

Cricket »

Khilaadiyon Ne Chunauti Ka Achha Saamana Kiya Dravid

Hyderabad. . Rajasthan Royals ke kaptaan Rahul Dravid spot fixing masale ke baad sunrisers Hyderabad ke khilaaf match mein apne khilaadiyon ke pradarshan se kaafi santusht hain. Rajasthan ke teen khilaadiyon ko Delhi pusil ne spot fixing mein giraftaar kiya, jiske baad usaki team ne apna pehla match khela. Is match mein unki team 23 run se haar gayi thi. Dravid ne kaha, 'Pratyek ke liye pichhle do din kaafi mushkil vaale rahe, lekin khilaadiyon ne jis tarah se is chunauti ka javaab diya, usase main khush hoon. Yah sabhi ke liye aasaan naheen tha. ' unhonne kaha, 'Ek baar jaise hi humne maidaan par kadam rakha to pratyek khilaadi jeet ke liye khel raha tha. Har khilaadi apna sarvashreshth pradarshan karna chaahata tha aur hamaare fains ke liye vaastav mein achha khel dikhaana chaahata tha. Hamein achha samarthan mil raha hai. Team ki aguvaai karna vaastav mein aanandadaayak hai. ; Dravid ne Hyderabad ke darshakon ka bhi unka samarthan karne ke liye aabhaar vyakt kiya. Unhonne kaha, 'Hyderabad mein khelne mein hamesha maja aata hai. Darshakon ka vyavahaar shaanadaar tha. Ve sunrisers ka samarthan kar rahe the lekin unhonne hamaari team ki achhi cricket ko bhi saraaha.

Khilaadiyon Ne Chunauti Ka Achha Saamana Kiya Dravid https://www.angrejinews.com/pic/8964