Khilaadiyon Ko Vayask Samajhein, Schooli Bachcha Naheen Baayakaut

Cricket » Tuesday, March 26, 2013

Nai Delhi. . England ke poorv ballebaaj Geoffrey baayakaut ne khilaadiyon ke saath 'Schooli bachchon' ki tarah bartaav karne ke liye Australiaee coach Micky aarthar ki aalochna ki hai. Unhonne kaha ki unhein cricketeron ko likhit kaam dene ka vichaar 'Bachkaana' lagta hai. Australia ne up kaptaan Shane Watson samet chaar khilaadiyon ko Bhaarat ke khilaaf teesare test se baahar kar diya jo team ka pradarshan sudhaarane ke liye prejeinteshan dene mein naakaam rahe the. Baayakaut ne kaha ki aarthar shikshak ki tarah pesh aane ki bajaay vyaktigat taur par khilaadiyon se baat kar sakte the. Unhonne kaha, 'Yah bachkaana hai ki unhein kuchh kaam diya jaaye aur naheen karne par tamaacha raseed kar diya jaaye. Yadi aapko lagta hai ki kisi pahaloo mein sudhaar ki gunjaaish hai to coaching staaf aur kuchh coach ko unase vyaktigat star par baat karni chaahiye. ' baayakaut ne ESPN cricinfo se kaha, 'Mera hamesha se maanana raha hai ki coach ka kaam yahi hai. Mujhe aise coach-manager pasand naheen hain jo shikshak ki tarah hote hain. ' unhonne kaha ki ek coach ke taur par vah dostaana baatcheet ke jariye khilaadiyon ki madad karte. Unhonne kaha, 'Main unase baat karta aur thodi bahut salaah deta. Coach ka yahi kaam hota hai. Mujhe naheen lagta ki main imtahaan ke parche taiyaar karke unhein javaab likhne ke liye kehta. '