Khel Mantraalaya Ka Aaiosi Se Kushti Par Punarvichaar Ka Anurodh

Sports »

Khel Mantraalaya Ka Aaiosi Se Kushti Par Punarvichaar Ka Anurodh

Nai Delhi. . Sarkaar ne Budhvaar ko kaha ki khel mantraalaya ne antararaashtreeya olympic samiti (aaiosi) ke adhyaksh Jacques roge se yah anurodh kiya hai ki aaiosi ke kaaryakaari board ki us sifaarish par punarvichaar kiya jaae jismein kushti ko mukhya khelon ki soochi mein shaamil naheen kiye jaane ki baat ki gayi hai. Khel mantri Jitendra Singh ne ek likhit javaab mein Rajyasabha ko yah jaankaari di. Unhonne bataaya ki aaiosi ke kaaryakaari board ne is saal February mein sifaarish ki thi ki kushti ko mukhya khelon ki soochi mein shaamil naheen kiya jaae. Unhonne kaha ki kushti pehle olympic khelon se hi aise aayojanon mein shaamil thi. Unhonne kaha ki kushti na sirf Bhaarat mein balki kai anya deshon mein lokapriya hai aur is khel ko olympic khelon se baahar karna olympic khelon ki parampara ke khilaaf hai. Singh ne kaha ki khel mantraalaya ne aaiosi ke adhyaksh Jacques roge se kaaryakaari board ki sifaarish par punarvichaar ke liye anurodh kiya hai. Khel sachiv ne bhi aaiosi mein Bhaarat ke sadasya ko yah anurodh karte hue likha hai ki yah maamala aaiosi ke samaksh uthaaya jaae tatha yah nirnaya badalavaane ke liye harsambhav prayaas kiye jaaen

Khel Mantraalaya Ka Aaiosi Se Kushti Par Punarvichaar Ka Anurodh https://www.angrejinews.com/pic/3436