Kharaab Form Se Pareshaan Naheen Hain Gilchrist

Cricket »

Kharaab Form Se Pareshaan Naheen Hain Gilchrist

Kolkata. . Bataur ballebaaj lagaataar naakaam rahane ke baavajood kings eleven Punjab ke kaptaan aur Australia ke anubhavi ballebaaj Adam Gilchrist kharaab form se pareshaan naheen hain kyonki unke liye yah jeene marne ka savaal naheen hai. Gilchrist ne Kolkata night Riders se mili haar ke baad kaha, 'Maine abhi tak achha pradarshan naheen kiya hai. Main us tarah se naheen khel pa raha hoon, jaise khela karta tha. Main yah samajhta hoon. ' usane kaha, 'Lekin main dukhi naheen hoon. Main khel raha hoon aur iska maja le raha hoon. Mere liye yah jindagi aur maut ka savaal naheen hai. Yah thodi maichyoriti ki baat hai. ' aath maichon mein sirf 94 run bana sake Gilchrist ne kaha ki vah bataur ballebaaj achhe pradarshan ki poori koshish kar rahe hain. Unhonne kaha,'Maine is baar pehle se bhi jyaada taiyaari ki thi. Achhi paari khelna aham hai. Bees run banaakar nishchit taur par kisi ko bhi niraasha hogi. Ek ballebaaj ke roop mein aap kabhi khush naheen honge. Main team ke liye yogadaan dene ki koshish karoonga. ' shukravaar ke match ke baare mein Gilchrist ne kaha ki iyon morgan ne unase match chheen liya jisne 26 geind mein 42 run banaae. Unhonne kaha, 'Jacques kaalis aur maanavindar bisla ne achha pradarshan kiya lekin morgan ne hamse match chheen liya. ''

Kharaab Form Se Pareshaan Naheen Hain Gilchrist https://www.angrejinews.com/pic/6962