Khajaane Ko Bhi Khal Rahi Sarkaar Ki Kami

Business »

Khajaane Ko Bhi Khal Rahi Sarkaar Ki Kami

nai Delhi Delhi mein nirvaachit sarkaar ki kami raajya ke khajaane ko bhi khal rahi hai. Jahaan vitt varsh ke pehle maheene mein hi tax kalekshan maasik ausat se 50 parseint kam raha hai, vaheen naukarashaahi kharch karne ke maamale mein haath kholkar kaam kar rahi hai. Adhikaariyon ka kehna hai ki nirvaachit sarkaar naheen hone ke chalte revenyoo badhaane ki koi nai paulisi naheen ban pa rahi hai aur puraane tareeke se hi tax kalekshan ho raha hai. Vitt vibhaag ke mutaabik April mein kul 1401 karod rupaye ka revenyoo aaya, jo vitt varsh 2014-15 ke raajasv lakshya 31571 karod ka lagbhag 4 parseint hai. Raajasv lakshya ke hisaab se prati maah 2630 karod rupaye aane chaahiye. Aise mein pehle maheene ka kalekshan manthali ausat ka lagbhag aadha hi hai. Tax revenyoo mein sabse jyaada yogadaan karne vaale vait se April mein 940 karod rupaye aae, jabki staanp end rajistreshan se 228 karod ki aamad hui. Eksaaij (aabakaari) se 116 karod aur nae vaahanon ki rajistri ke roop mein transport dipaartameint se 93 karod rupaye aae. Vait dipaartameint ko is saal kareeb 22000 karod rupaye jutaane hain aur har maheene ausatan 1800 karod ka kalekshan hona chaahiye. Is lihaaj se April ka kalekshan aadha hi hai. Haalaanki vait adhikaariyon ki daleel hai ki bahut se tredars ne March mein hi April ka adavaans tax jama kar diya tha. Isliye is maheene kam tax aaya hai. Vibhaag ne pichhle vitt varsh ka taaraget 19500 karod poora karne ke liye khud asosiyeshanon ki baithakein bula-bulaakar adavaans tax jama karaane ki gujaarish ki thi. Haalaanki tab bhi vibhaag taaraget poora naheen kar paaya tha. April mein sabhi vibhaagon ne yojanaagat fund se 294 karod kharch kiye hain, jabki pichhle saal April mein 158 karod rupaye hi kharch hue the. Akele peedablyoodi ne 190 karod rupaye kharch kiye hain. Adhikaariyon ka kehna hai ki pichhle ek saal se Delhi mein revenyoo kalekshan se sambandhit koi bada sudhaar naheen hua hai. Is baare mein nirvaachit sarkaar hi koi paulisi bana sakti hai. Pichhle dinon elaji ne sabhi vibhaagon ki baithakar bulaakar tax chori aur kam kalekshan par sakhti ke nirdesh diye the. Gaurtalab hai ki nirvaachit sarkaar naheen hone ke chalte raajya ko is saal bajat ke bajaay lekhaanudaan paarit karaana pada tha. Vitt vibhaag ke paas ful bajat ka prastaav bhi taiyaar rakha hai, jise June ke ant tak kendra sarkaar ke paas bheja ja sakta hai.

Khajaane Ko Bhi Khal Rahi Sarkaar Ki Kami https://www.angrejinews.com/pic/51766