Khaane Ka Saamaan Mahanga Hone Se May Mein Khudara Mudraasfeeti Saat Maheene Ke Uchchatam Star Par

Business »

Khaane Ka Saamaan Mahanga Hone Se May Mein Khudara Mudraasfeeti Saat Maheene Ke Uchchatam Star Par

Nayi Delhi , 12 June (bhaasha) baajaar mein sabji , maans aur machhali jaise khaadya utpaadon ke mahanga hone se khudara mudrasfeeti May maheene mein badhkar 3.05 pratishat par pahunch gayi. Yeh mudraasfeeti ka saat maheene ka uchchatam star hai. filhaal , khudara mahangaai dar reserve bank ke lakshya ke andar hai. Reserve bank ko khudara mudraasfeeti ko chaar pratishat se do pratishat oopar neeche ke daayare mein seemit rakhane ka lakshya diya gaya hai. Budhvaar ko saankhyiki evam kaaryakram kaaryaanvayan mantraalaya ke keindreeya saankhyiki kaaryaalaya ki or se jaari aankadon ke anusaar upabhokta moolya soochakaank (CPI) aadhaarit khudara mudraasfeeti April mein sanshodhit aankadon ke anusaar 2.99 pratishat thi . May mein jaari praarambhik aankadon mein April ki khudara mudraasfeeti 2.92 pratishat anumaanit thi. May 2018 mein khudara mudraasfeeti 4.87 pratishat par thi. May mein mudraasfeeti ka aankada October 2018 ke baad sabse ooncha hai. Gat October mein khudara mudraasfeeti 3.38 pratishat thi. taaja aankadon ke mutaabik , sabjiyon ki keematon mein May ke dauraan 5.46 pratishat ki tej vruddhi darj ki gayi hai. April 2019 mein yeh 2.87 pratishat par thi. maans aur machhali ke daam 8.12 pratishat tak badhe jabki April mein yeh 7.55 pratishat badhe the. Anaaj aur utpaadon ki mudraasfeeti April mein 1.17 pratishat se badhkar May mein 1.24 pratishat ho gayi. haalaanki , falon ki keematon mein May mein isse pichhle maheene ke mukaabale giraavat darj ki gayi hai. indhan aur bijli shreni mein mudraasfeeti May mein 2.48 pratishat rahi. April mein yeh 2.56 pratishat thi. is prakaar , poore khaadya kshetr ki mudraasfeeti May mein 1.83 pratishat rahi. Yeh April ke 1.10 pratishat ki tulana mein adhik hai. bhaarateeya reserve bank maudrik neeti ki sameeksha ke liye mukhyat : Khudara mudraasfeeti ke aankadon par gaur karta hai.

Khaane Ka Saamaan Mahanga Hone Se May Mein Khudara Mudraasfeeti Saat Maheene Ke Uchchatam Star Par https://www.angrejinews.com/pic/280796