Keval Gandhi Hi Naheen, Poori Congress Kaaryasamiti De Sakti Hai Isteefa Sootr

Breaking »

Keval Gandhi Hi Naheen, Poori Congress Kaaryasamiti De Sakti Hai Isteefa  Sootr

Nai Delhi: haal hi sampann Loksabha chunaav mein karaari haar ka saamana karne waali Congress party mein haar ki vajah ko talaashane se pehle aaj na keval Congress party mein soniya Gandhi aur Rahul Gandhi, balki Congress kaaryasamiti ke sabhi sadasya apne-apne padon se isteefa deinge. Sootron ka kehna hai ki party mein haar ke liye saamoohik roop se jimmedaari sveekaar ki jaaegi. tamaam party ke sootron ka kehna hai ki is haar ke liye Gandhi parivaar ko doshi naheen thaharaaya ja sakta hai. ullekhaneeya hai ki pehle is prakaar ki khabarein aa rahi theen ki is haar ke baad party pramukh soniya Gandhi aur upaadhyaksh Rahul Gandhi apne-apne padon se isteefa de deinge. Isi ke saath yeh bhi kaha gaya ki party ke anya neta unke is isteefe ko kisi bhai haal mein naheen sveekaareinge. itna hi naheen kaha ja raha hai ki Congress kaaryasamiti ke sabhi 34 sadasya apne apne padon se isteefa deinge, taaki yeh sandesh jaae ki yeh haar saamoohik haar hai. gaurtalab hai ki haal ke chunaav mein Congress party ne 543 seaton mein mahaj 44 seatein hi praapt ki. Vaheen vipakshi dal bhaarateeya janta party pichhle 30 saalon mein pehli baar poore bahumat ke saath satta mein pahunchi hai.

Keval Gandhi Hi Naheen, Poori Congress Kaaryasamiti De Sakti Hai Isteefa Sootr https://www.angrejinews.com/pic/51011