Kesar Ne Fir Gholi Ghaati Mein Khushboo

Business »

Kesar Ne Fir Gholi Ghaati Mein Khushboo

Suresh upaadhyaaya, shreenagar kesar ka jaayaka thoda kadva hota hai, lekin isi kesar ne Kashmir ki vaadiyon mein aaj nai khushboo aur mithaas ghol di hai. Ek jamaane mein kesar ko kareeb-kareeb alvida kah chuke kisaan ab kesar ki jyaada se jyaada kheti karna chaahate hain. Kesar ke jariye kisaanon ki jindagi mein nae rang gholane mein bhaarateeya krushi anusandhaan sansthaan (aaiseeeaar) aur yahaan ki sher-A-Kashmir egreekalcharal university ke saaintists ne aham rol ada kiya hai. Kabhi thi maayoosi kesar ko jaafaraan ke naam se bhi jaana jaata hai. Kashmiri mein ise kung kaha jaata hai. Ek jamaana tha jab Kashmir ko iske liye khaastaur par pahachaana jaata tha. Lekin, raajya ke badalate haalaat ke saath hi kheti ke puraane taur-tareekon ne kesar ki paidaavaar par khaasa asar daal diya tha. Kisaan kesar ki jagah doosari fasalon ki kheti karne lage the aur iske khatm hone ka khatra paida ho gaya tha. 1996-97 tak Kashmir mein kareeb 5707 hekteyar jameen mein kesar ki kheti ki jaati thi. Lekin, 2008-09 mein iska rakaba simtakar 3280 hekteyar aur utpaadan 16 meetrik tan se ghatkar 7.70 meetrik tan par pahunch gaya tha. Sher-A-Kashmir egreekalcharal university ke prafesar Dr. Ef. A. Navy bataate the ki haalaat aise ho gaye the ki raajya se kesar ka nomenishaan kabhi bhi mit sakta tha. Takaneek ka kamaal in haalaat mein aaiseeeaar ne February 2009 mein apne naishanal egreekalcharal inoveshan project (naip) ke jariye kesar ko nai jindagi dene ka beeda uthaaya. Usane kisaanon ko paramparaagat tareekon se hatkar kesar ki kheti ke nae tareekon se roobaroo karaaya. Unhein nai takaneek dene ke saath hi fasal ko barbaad karne vaale keedon aur fangas se nipatne ke liye davaaen muhaiya karaain. Mitti ki helth sudhaarane aur sinchaai karne ke nae tareeke bataae. Unhein bataaya ki kesar ke beej (kaurm) ko khet mein jyaada se jyaada kitne samay tak rakhana chaahiye. Unhein yeh bhi bataaya ki kesar ke fool chunane aur usamein se kesar nikaalne ke vaigyaanik tareeke kya hain. Isi ke saath unhein kesar ko sukhaane ke modern tareekon se vaakif karaaya. Nateejatan aaj kisaan kesar ko sukhaane ke liye solar power tak ka istemaal kar rahe hain. Kesar ki kheti ko bachaane ke liye kendra sarkaar ne saifaran mission bhi shuroo kiya hai. Iske jariye kisaanon ko kesar paida karne ke liye prati hekteyar 5 lakh rupaye ki madad di ja rahi hai. Badal gayi tasveer egreekalcharal university ke hi Dr. Gauhar bataate hain ki in koshishon ka nateeja yeh hai ki aaj 3785 hekteyar kshetr mein kesar ki kheti ki ja rahi hai aur kisaan is rakabe ko badhaane ke liye har sambhav koshish kar rahe hain. Nai takaneek ke istemaal se pehle jahaan ek kilo foolon se 25 gram kesar nikla karti thi, vah ab badhkar 37 gram ho gayi hai. Is samay raajya mein 15 meetrik tan kesar ka utpaadan ho raha hai. Naip ka kaaryakaal is saal June mein khatm hone ja raha hai. Kisaan chaahate hain ki is yojana ko aage badhaaya jaae. Kisaan saifaran mission ko bhi abhi jaari rakhane ke paksh mein hain.

Kesar Ne Fir Gholi Ghaati Mein Khushboo https://www.angrejinews.com/pic/52277