Kerala Mein Khatm Hua Nipaah Virus Ke Doosare Hamle Ka Khatra Svaasthya Mantri

India »

Kerala Mein Khatm Hua Nipaah Virus Ke Doosare Hamle Ka Khatra Svaasthya Mantri

Tiruvanantapuram Kerala ki svaasthya mantri KK shailaja ne shanivaar ko media ko bataaya ki ek positive case aur 300 se adhik sandigdh maamalon ke saamane aane ke baad baad Kerala mein nipaah virus ke doosare hamle ka dar khatm ho gaya hai. Shailaja ne kaha, 'Bhale hi nipaah ka dar khatm ho gaya hai aur poori nigraani ki jaroorat naheen hai, lekin sthiti par agale maheene ke madhya tak najar rakhi jaaegi. ' Teen June ko ernaakulam ke ek niji aspataal mein bharti 23 varsheeya college chhaatr ka nipaah virus ka test positive aaya tha. Tab se, raajya mein svaasthya adhikaari virus ko failane se rokane ke liye purajor koshish kar rahe hain. Lagbhag do saptaah ke baad shailaja ne aakhirkaar sanket de diya ki ab nipaah ka dar khatm ho gaya hai. Bata dein ki Kerala mein pichhle saal kojhikod aur malappuram jilon mein nipaah ke chalte 12 logon ki maut ke baad visheshagyon ne chamagaadadon se namoone ekatr kiye the. Ab, froot bait prajaati ke chamagaadadon ko ghaatak virus ke vaahak ke roop mein pahachaana gaya hai. Is saal nipaah se jude kai sandigdh maamalon ke saamane aane ke baad raajya mein atirikt medical teemon ko bhi tainaat kiya gaya tha.

Kerala Mein Khatm Hua Nipaah Virus Ke Doosare Hamle Ka Khatra Svaasthya Mantri https://www.angrejinews.com/pic/281295