Kerala Mein Bachchon Ki Kami Se Gadbada Raha Hai Schoolon Ka Arthashaastr

India »

Kerala Mein Bachchon Ki Kami Se Gadbada Raha Hai Schoolon Ka Arthashaastr

Tiruvanantapuram. . Kerala mein janm dar mein kai saal se lagaataar giraavat ke chalte aur adhik sankhya mein school bachchon ki kami ka saamana kar rahe hain aur 'Aarthik roop se avyaavahaarik' bante ja rahe hain. Raajya yojana board ki aarthik sameeksha-2013 ke anusaar 2011-12 mein pradesh mein ghaate ka sauda ban gaye schoolon ki sankhya 334 badhkar 4,641 ho gayi. Inmein 70 pratishat se adhik pehli se saataveen kaksha vaale praathamik school hain. Rapat ke anusaar inmein se 2,271 sarkaari aur 2,343 anudaanapraapt school hain. Is tarah ke jilon ki sabse adhik sankhya kunnoor jile mein 685 hai. Kerala mein pichhle dashak mein aabaadi 4.9 pratishat badhi. Yah anya raajyon ki tulana mein sabse kam vruddhi dar hai. Pradesh ki aabaadi mein 0-6 varsh ke bachchon ka anupaat keval 10 pratishat hai. Kerala mein shat pratishat saaksharata hai. Pradesh mein 2012-13 mein schoolon mein 39.89 lakh bachchon ne daakhila liya jo ek saal pehle ki tulanaam mein chhah pratishat kam hai. Nichli praathamik kakshaaon mein naamaankan 1.35 lakh kam raha jabki oopari praathamik kakshaaon ke naamaankan mein pichhle saal se 93 hajaar ki kami darj ki gayi

Kerala Mein Bachchon Ki Kami Se Gadbada Raha Hai Schoolon Ka Arthashaastr https://www.angrejinews.com/pic/3260