Kerala Ke Mukhyamantri Omaan Chaandi Somvaar Ko Kareinge Narendra Modi Se Mulaakaat

Breaking »

Kerala Ke Mukhyamantri Omaan Chaandi Somvaar Ko Kareinge Narendra Modi Se Mulaakaat

Tiruvanantapuram: pradhaanamantri Narendra Modi ke saath somvaar ko hone waali mulaakaat se pehle Kerala ke mukhyamantri oman chaandi ne kaha ki unhein raajaneetik matabhedon ke baavajood raajya ke vikaas ke liye kendra ke saath achhe kaamkaaji sambandh ka poora bharosa hai. chaandi ne kaha, yadyapi ek yeh shishtaachaar mulaakaat hogi, parantu ismein raajya ke vikaas se jude muddon par vyaapak roop se charcha hogi. Yeh poochhe jaane par ki vah kendra ke samaksh kin pramukh muddon ko uthaaenge, to chaandi ne kaha, dekhte hain ki unki kya praathamiktaaen hain. Raajya ki pariyojanaaon par kaam karte vakt yeh bhi ek kaarak hoga. Modi ke shapath grahan mein shaamil naheen hone vaale chaandi pehle hi spasht kar chuke hain ki Kerala ki yoodeeef sarkaar kendra ki nai sarkaar ke saath kisi ke tarah ke takaraav mein naheen jaaegi. pichhle teen saal ke apne kaaryakaal ke baare mein chaandi ne apni sarkaar ke kaamkaaj par santosh jataaya. unhonne kaha, pichhle kuchh dashakon mein Kerala ke yuvaaon ki aakaanksha naukri athva visa ki rahi hai. Takaneeki roop se kushal yuvakon aur snaatak apna khud ka kaam shuroo karne ka avsar talaashane lage hain aur isse soch badalani shuroo hui hai. In yuvaaon ke paas soch hai aur is soch ko jameen par utaarane ka dam hai. Unhein bas shuruaati star par sarkaar se sahayog ki jaroorat hoti hai. Chaandi ne kaha ki unki sarkaar aise kaarobaar aur takaneeki ikaaiyon ko badhaava dene ke liye bajat sambandhi sahayog degi.

Kerala Ke Mukhyamantri Omaan Chaandi Somvaar Ko Kareinge Narendra Modi Se Mulaakaat https://www.angrejinews.com/pic/52411