Kerala Ke Congress Saansad Kodikunnil Suresh Ne Hindi Mein Shapath Lekar Kiya Hairaan

Breaking »

Kerala Ke Congress Saansad Kodikunnil Suresh Ne Hindi Mein Shapath Lekar Kiya Hairaan

Nai Delhi Kerala se Congress ke ek saansad kodikunnil suresh ne somvaar ko hindi mein shapath lekar sabhi ko aashcharyachakit kar diya. Unhonne 17veen Loksabha ke sadasya ke taur par hindi mein shapath li. Kerala ke saansad ke is kadam ka sadan ne mejein thapathapaakar svaagat kiya. Suresh pradhaanamantri Narendra Modi ke baad shapath lene vaale doosare sadasya the. Protem speaker Virendra Singh ne navanirvaachit sadasyon ko shapath dilaai. Kaun hain suresh Kodikunnil suresh chhathi baar saansad bane hain. Tiruvanatanpuram jile ke kodikunnil ilaake mein ek gareeb parivaar mein janme suresh pehli baar 1989 mein saansad bane the. 17veen Loksabha mein vah maaveleekaara Loksabha seat se nirvaachit hue. Vah shram mantraalaya mein raajyamantri ka prabhaar sanbhaal chuke hain. September 2018 mein unhein Kerala pradesh Congress committee (kepeeseesi) ka kaaryakaari adhyaksh niyukt kiya gaya. Iske alaava vah all India Congress committee (AICC) ke sachiv bhi hain. Haalaanki suresh isse pehle vivaadon mein bhi rah chuke hain. 2009 mein Loksabha chunaav jeetne ke baad jaati pramaanapatr farji paae jaane par Kerala haai court ne unka nirvaachan avaidh ghoshit kiya tha. Baad mein Supreme court se unhein is maamale mein raahat mili thi. Nae saansadon ne li shapath Isse pehle pradhaanamantri Narendra Modi samet chune hue sabhi nae saansadon ko 17veen Loksabha ke pehle din pad aur gopaneeyata ki shapath dilaai gayi. Loksabha mein Modi ke shapath grahan ke dauraan BJP saansad josh mein 'Modi-Modi' aur 'Bhaarat maata ki jaya' ke naare lagaate najar aae. Parampara ke anusaar sabse pehle PM ne shapath li. PM Modi jab shapath lene aae to BJP saansadon ne mej thapathapaakar Modi-Modi ke naaron se svaagat kiya. PM Modi ne hindi mein pad ki shapath li. Keindreeya mantri harasimrat Kaur ne punjabi mein jabki, amit shaah, Rajnath Singh ne hindi mein hi shapath li. Amethi Loksabha seat se Congress adhyaksh Rahul Gandhi ko haraakar pehli baar nichle sadan ke sadasya ke roop mein pahuncheen keindreeya mantri smruti Irani ne somvaar ko jab 17veen Loksabha ke sadasya ke roop mein shapath li to BJP ke saansadon ne kaafi der tak mejein thapathapaakar unka abhinandan kiya. Jaise hi smruti ka naam shapath grahan ke liye bola gaya, pradhaanamantri Narendra Modi, gruh mantri amit shaah, anya keindreeya mantriyon aur saansadon samet sattaaroodh BJP sadasyon ko der tak mejein thapathapaate dekha gaya. Smruti Irani ne hindi mein shapath lene ke baad kaaryavaahak Loksabha adhyaksh Virendra Kumar ka abhinandan kiya. Unhonne UPA adhyaksh Sonia Gandhi samet anya vipakshi netaaon ka bhi haath jodkar abhinandan kiya. Sonia ne bhi haath jodkar smruti ka abhivaadan kiya. Sadan mein Rahul Gandhi upasthit naheen the. (IANS se mile input ke saath)

Kerala Ke Congress Saansad Kodikunnil Suresh Ne Hindi Mein Shapath Lekar Kiya Hairaan https://www.angrejinews.com/pic/281557