Kenya Ko Muaavaja Day Sakta Hai Britain

World »

Kenya Ko Muaavaja Day Sakta Hai Britain

PTI . London : Afreeki desh kenya mein british raaj ke dauraan hue atyaachaaron ke liye Britain ko harjaana dena pad sakta hai. Agar aisa huaa to yah aitihaasik hoga aur british raaj ke tahat rahe baaki deshon se bhi aise daave kiye ja sakte hain. British sarkaar in dinon kai hajaaron kenyaai logon ko muaavaje ke pemeint par baatcheet kar rahi hai. Ye ve kenyaai hain jo 1950 ke daur mein maau maau ugravaad ke kaaran hiraasat mein rakhe gaye the aur unke saath bura bartaav kiya gaya tha. Yah pehli baar hoga jab british sarkaar apne saamraajyavaadi shaasan mein kiye gaye aadhikaarik aparaadhon ke liye muaavaje ki vyavastha kar rahi ho. Asal mein jail shiviron se jinda bach gaye bujurg british adaalaton ke jariye nyaaya ki maang karte rahe hain. British sarkaar ko lagaataar haar milne ke baad iske vakeelon ko muaavaje ke liye baatcheet shuroo karni padi. Asal mein british raaj ke gupt dastaavejon ke baahar aane ke baad us daur ke shaasan ke tahat kiye gaye atyaachaar ka pata chalta hai.

Kenya Ko Muaavaja Day Sakta Hai Britain https://www.angrejinews.com/pic/7932