Kendra Mein Akeli Party Naheen, Gathabandhan Ka Hi Bhavishya Mulaayam

India » Tuesday, March 26, 2013

Saangali, Maharashtra. . Samaajavaadi party ke mukhiya mulaayam Singh Yadav ne nikat bhavishya mein kendra mein kisi ek party ki sarkaar banane ki sambhaavnaaon ko khaarij kiya hai. Unhonne kaha ki desh mein gathabandhan ki raajaneeti jaari rahegi. SP supreemo ne samaan vichaaradhaara vaale dalon se ek manch par aane ki bhi appeal ki. Loksabha mein 22 sadasyon waali samaajavaadi party kendra mein Congress shaasit UPA sarkaar ko baahar se samarthan day rahi hai. 2014 ke Loksabha chunaavon se pehle Yadav ka yah bayaan kaafi mahatvapoorn hai. Unhonne kaha, 'Gathabandhan sarkaar desh ki jaroorat hai kyonki koi bhi ek party apne bal par kendra mein satta mein naheen aa sakti hai. ' mulaayam svatantrata senaani aur Maharashtra mein sahakaarita aandolan ke aguva naaganaath anna naayakavaadee ki pehli punyatithi par pashchim Maharashtra ke vaalava gaanv mein ek aam sabha ko sambodhit kar rahe the. Unhonne kaha, 'Vakt aa gaya hai ki saamaajik badlaav laane ki ichhuk paartiyaan Maharashtra, Bihar aur uttarapradesh mein ek saath aaen. ' 1996 mein sanyukt morcha ki gathabandhan sarkaar mein raksha mantri rahe mulaayam Singh ne raksha kshetr mein badh rahe kharch ko desh ke kisaanon ka shoshan bataaya. Unhonne kaha, 'Cheen kisaanon aur krushi ka samarthan karta hai aur Bhaarat se kaafi aage hai. Raksha kshetr mein badh rahe kharche ki keemat kisaan chuka rahe hain jo Pakistan, cheen aur Bangladesh jaise padosiyon ke saath Bhaarat ke rishte sauhaardrapoorn naheen hone ka parinaam hai. ' mulaayam ne is avsar par naayakavaadee ki yaad mein banane vaale smaarak sthal par bhoomipoojan kiya aur gaanv ke hutaatma cheeni mil mein ethenaul aadhaarit pariyojana ka shubhaaranbh kiya. Apni party ke baare mein poochhe gaye ek savaal ke javaab mein Yadav ne kaha, 'Samaajavaadi party keval bujurgon ki party naheen hai balki yuvakon aur mahilaaon ki bhi party hai. Isliye Akhilesh uttarapradesh ke mukhyamantri bane.