'Kendra Ke Corruption Mein Gum Ho Gayi Ganga Ki Safaai

India »

'Kendra Ke Corruption Mein Gum Ho Gayi Ganga Ki Safaai

bhaasha. Varanasi : BJP ke varishth neta kalaraaj mishr ne ganga nadi mein pradooshan ke liye kendra ki UPA sarkaar ko jimmedaar thaharaaya. Unhonne kaha ki ganga ki safaai ki yojana bhrashtaachaar ki bheint chadh gayi hai. Varanasi ke raajeindr prasaad ghaat par shukravaar ki subah ganga ka dugdhaabhishek karne ke baad kalaraaj ne gulaab baag sthit party ke kshetreeya kaaryaalaya mein patrakaaron se baatcheet karte hue yah vichaar vyakt kiye. Kalaraaj ne kaha ki kendra sarkaar ne ganga ko raashtreeya nadi to ghoshit kar diya, lekin usaki safaai ke liye kuchh naheen kiya. Hakeekat mein chautarafa bhrashtaachaar se ghiri UPA sarkaar mein ganga ki safaai ki raajaneetik ichha shakti hi naheen hai. Kalaraaj ne sabhi raajaneetik dalon se milkar ganga ko pradooshan se mukti dilaane ke liye abhiyaan chalaane ki appeal ki. Unhonne kaha ki ganga ko pradooshan se mukt karaane ke liye BJP deshbhar mein jan jaagrukta abhiyaan chalaaegi aur Loksabha chunaav mein ganga pradooshan aur raamamandir BJP ke mukhya mudde honge. BJP neta ne kaha ki bade shaharon ka ganda paani aur tenariyon ki gandagi ko ganga mein bahaane se pradooshan itna badh gaya hai ki amrut tatv asurakshit ho gaya hai. Unhonne aarop lagaaya ki ganga ki safaai ke liye kendra se jaari fund ki bandarabaant hui hai aur ganga ki safaai kendra sarkaar mein faile bhrashtaachaar ki bheint chadh gayi hai. Unhonne CBI ki svaayattata ke savaal par kaha ki kendra sarkaar sheersh samvaidhaanik sansthaaon ko barbaad karne mein juti hai. Yahi vajah hai ki Supreme court ko aage badhkar CBI ke maamale mein kadi tippani karni padi, jo sarkaar ke munh par karaara tamaacha hai. Yadi ab bhi kendra sarkaar naheen cheti to use janta ukhaad feinkegi. Dya.

'Kendra Ke Corruption Mein Gum Ho Gayi Ganga Ki Safaai https://www.angrejinews.com/pic/8935