Kekeaar Ki Jeet Mein Kaalis Ka Kamaal

Cricket »

Kekeaar Ki Jeet Mein Kaalis Ka Kamaal

agencyan . Kolkata Jacques kaalis ke allround pradarshan aur captain Gautam gambhir ki half century se maujooda champion Kolkata night Riders (kekeaar) ne Sunday ko yahaan sunrisers Hyderabad ko 48 run se hara kar IPL -6 mein fir se jeet ki laya pakad li. Captain Gautam gambhir (53), eon maurgen (47) aur Jacques kaalis (41) ki behatareen paariyon se kekeaar ne toss jeet kar pehle batting karte hue nirdhaarit 20 over mein chaar wicket par 180 run ka majaboot score banaaya. Jacques kaalis (3/13) aur rajat Bhatia (2/33) ne dhaaradaar bauling kar sunrisers Hyderabad ko 20 over mein 7 wicket par 132 run par rok kar kekeaar ko shaanadaar jeet dilaai. Sunrisers ne dheemi shuruaat se uske ballebaaj dabaav mein aa gaye. Tisaara parera (36) ko chhod kar sunrisers ke baaki baitsamain tik naheen sake. Sunrisers ke baular rahe naakaam : Sunrisers ki ab tak ki kaamayaabiyon mein aham rol nibhaane vaale uske baular Eden gaardans par kamaal naheen dikha paae. Unhonne antim paanch overon mein 71 run lutaae aur yahi is match mein aakhir mein nirnaayak saabit hue. Sunrisers ki paanch maichon mein yah doosari haar hai jabki pichhle do match ganvaane vaale kekeaar ne chaar match mein doosari jeet haasil ki. Achhi shuruaat ka laabh ganvaaya : Kekeaar ke majaboot score ke saamane sunrisers ne achhe aagaaj ka laabh ganva diya. Paarthiv Patel ( 27) aur Cameroon vaait (34) ne pehle wicket ke liye 57 run jode, lekin in donon ne iske liye 54 baul kheleen. Paarthiv par run banaane ka dabaav tha aur aise mein kaalis ki geind par pul karne ke prayaas mein chookane se unka middle stump ukhad gaya. Kaalis ne apne agale over mein vaait ko bhi out kar pavilion lautaaya. Unki baul par Yusuf pathaan ne vaait ka laung on par ek haath se catch lapka. Sunrisers ke captain sangakaara ko rajat Bhatia ne out kiya. Sunrisers ki haar sunishchit ho gayi thi. Tisaara parera teji se run naheen bana pa rahe the. Kaalis ne unhein bold karke apna teesara wicket liya. Parera ne apni paari mein do chauke aur ek chhakka lagaaya. Gambhir aur bisla ka tej aagaaj : Gautam gambhir (53) aur manavindar bisla (28) ne pehle wicket ke liye 59 run jod kar kekeaar ko achhi shuruaat dilaai. Sangakaara ki doosare over mein hi hanuma vihaari ko geind saunpane ki rananeeti fir se naakaam saabit hui. Unke is over mein 14 run bane. Sten ne pehle do over mein keval nau run diye. Unki jagah par aae parera ka bhi bisla ne do chaukon se svaagat kiya. Gambhir ne yahi sabak amit mishra ko sikhaaya. Iske turant baad yang leg spinner karan sharma ko geind saunpi gayi, jinhonne bisla ko out karke sunrisers ko pehli safalta dilaai. Bisla ne apni paari mein paanch chauke jade. Gambhir ne karan ke agale over mein paari ka pehla chhakka lagaaya lekin vah apni half century poori karne ke turant baad aasheesh Reddy ki yaurkar par bold ho gaye. Gambhir ne apni paari mein ek chhakka aur chhah chauke jade. Beasar rahe amit mishra : Ab tak ke maichon mein safal rahe sunrisers ke leg spinner amit mishra Eden ke wicket par maurgen par bhi prabhaav naheen chhod paae , jinhonne unki baul par laung on par khoobsoorat chhakka jada. Sangakaara ne 18 vein over mein hamavatan shreelankaai parera ko fir se geind saunpi. Maurgen ne unke is over mein teen chaukon aur ek chhakke ki madad se 22 run batorkar sangakaara ko fir se galat saabit kar diya. Maurgen ne ranaaaut hone se pehle sten par bhi chhakka jada. Kaalis ne paari ki aakhiri geind par ranaaaut hone se pehle apni paari mein chhah chauke lagaae. Score board Kolkata night Riders ( kekeaar ) : Bisla ka vihaari bo karan sharma 28, gambhir bo aasheesh Reddy 53, kaalis ranaaaut 41, maurgen ranaaaut 47, Yusuf pathaan not-out 3, atirikt 8, kul (20 over mein 4 wicket par ) : 180 wicket patan : 1-59, 2-102, 3-169, 4-180 geindabaaji : Dale sten 4-0-29-0, hanuma vihaari 1-0-14-0, Ishaant sharma 4-0-33-0, . Tisaara parera 4-0-44-0, amit mishra 3-0-28-0, karan sharma 2-0-13-1, aasheesh Reddy 2-0-15-1 sunrisers Hyderabad : Paarthiv Patel bo kaalis 27, vaait kau . Yusuf pathaan bo kaalis 34, sangakaara kau . Tivaari bo rajat Bhatia 2, ravi teja kau tivaari bo naraayan 36, tisaara parera bo kaalis 36, aasheesh Reddy bo senaanaayake 4, karan sharma not-out 5, hanuma vihaari kau . Tivaari bo rajat bhatiya 1, amit mishra not-out 1, atirikt 12, kul (20 over mein 7 wicket par ) : 132 wicket patan : 1-57, 2-68, 3-71, 4-107, 5-115, 6-124, 7-127 geindabaaji : Balaji 4-0-30-0, senaanaayake 4-0-18-1, naraayan 4-0-31-1, kaalis 4-0-13-3, rajat Bhatia 4-0-33-2.

Kekeaar Ki Jeet Mein Kaalis Ka Kamaal https://www.angrejinews.com/pic/5539