Kejriwal Ne Jamaanati Muchalaka Jama Kiya, Jail Se Rihaai Ka Aadesh

Breaking »

Kejriwal Ne Jamaanati Muchalaka Jama Kiya, Jail Se Rihaai Ka Aadesh

File photo File photo Nai Delhi: aam aadmi party ke neta Arvind Kejriwal ne BJP neta nitin gadkari ki or se daakhil maanahaani ke maamale mein apna rukh badalate hue aaj jamaanati muchalaka jama kar diya, jiske baad Delhi ki ek adaalat ne unhein tihaad jail se riha karne ka aadesh de diya. metropolitan magistrate gomati manocha ne Delhi High Court ke aadesh ke anuroop Kejriwal ke vakeel dvaara jama niji muchalake ko sveekaar kar liya. adaalat ne kaha, 'Arvind Kejriwal ne apne haath se likha hai ki vah High Court ke aadesh ke anuroop niji muchalaka jama kar rahe hain. Iske maddenajar jama kiya gaya niji muchalaka sveekaar kiya jaata hai. ' adaalat ne kaha, 'Aaropi ko tatkaal riha kiya jaae. ' Kejriwal ki or se unke vakeel Rahul Mehra ne sunavaai ke dauraan adaalat mein kaha ki unki rit yaachika High Court mein lambit hai aur Kejriwal bond jama karne ke liye taiyaar ho gaye hain. adaalat ne kaha ki vishesh sandeshavaahak ke jariye rihaai ka aadesh tihaad jail bhej diya jaaega. Kejriwal ke vakeel ne magistrate ko Delhi ke poorv mukhyamantri ki likhit sahamati dikhaai jismein unhonne niji muchalaka jama karne ke uchch nyaayaalaya ke sujhaav ko sveekaar kar liya. Varishth vakeel shaanti bhooshan aur prashaant bhooshan uchch nyaayaalaya se anumati lekar Kejriwal se mulaakaat karne tihaad jail gaye the aur tab unhonne apne haath se likha patra diya. isse pehle aaj High Court ne Kejriwal ko sujhaav diya tha ki jamaanati muchalaka jama karein aur jail se riha ho sakte hain. Kejriwal ko magistrate ne 21 May ko do din ki nyaayik hiraasat mein bheja tha. 23 May ko unki hiraasat 14 din ke liye 6 June tak badha di gayi. Kejriwal ne gadkari ke maanahaani ke maamale mein jamaanat ke liye muchalaka bharne se inkaar kar diya tha. magistrate ne jamaanati baand naheen bharne par Kejriwal ki nyaayik hiraasat ke 21 May ke aadesh par punarvichaar karne se inkaar kar diya tha. Adaalat ne unase is faisale ko chunauti dene ke liye High Court jaane ko kaha tha. Aap neta ko us maamale mein adaalat ne aaropi ke taur par talab kiya tha, jismein gadkari ne aarop lagaaya tha ki Kejriwal ne apni party ki or se jaari Bhaarat ke kathit bhrasht logon ki soochi mein unka naam shaamil karke unki maanahaani ki. adaalat ne 21 May ko Kejriwal ko jamaanat dene ki baat sveekaar karte hue kaha tha ki IPC ki dhaara 500 ke tahat kathit aparaadh jamaanati hai aur unhein niji muchalaka bharna chaahiye. Haalaanki Kejriwal ne siddhaanton ka havaala dete hue muchalaka jama karne se mana kar diya tha aur unhein hiraasat mein bhej diya gaya. aap neta ne kaha ki maamala raajaneeti se prerit hai aur vah yeh halafnaama dene ke liye taiyaar hain ki vah jaroorat padne par adaalat mein pesh honge. Adaalat ne 28 February ko maamale mein aaropi ke taur par Kejriwal ko talab kiya tha. Adaalat ne kaha tha ki aap neta ke kathit bayaan ka asar shikaayati ki saakh par pad sakta hai.

Kejriwal Ne Jamaanati Muchalaka Jama Kiya, Jail Se Rihaai Ka Aadesh https://www.angrejinews.com/pic/51890