Kejriwal Ki Giraftaari Ka Virodh Karne Ki Bajaay Ghar-ghar Jaaegi 'Aap

Breaking »

Kejriwal Ki Giraftaari Ka Virodh Karne Ki Bajaay Ghar-ghar Jaaegi 'Aap

Budhvaar ko Patiala house court ke baahar Arvind Kejriwal Budhvaar ko Patiala house court ke baahar Arvind Kejriwal Nai Delhi: aam aadmi party ne guruvaar ko faisala kiya ki vah apne neta Arvind Kejriwal ki giraftaari ka virodh karne ki bajaay ghar-ghar jaakar logon ko bataaegi ki Delhi ke poorv mukhyamantri ne aaparaadhik maanahaani ke maamale mein kyon muchalaka bharne ki bajaay jail jaana pasand kiya. tihaad jail mein band Kejriwal se guruvaar subah kai 'Aap' netaaon ne baatcheet ke baad yeh nirnaya kiya. 'Aap' ke varishth neta aashutosh ne kaha, Arvind Kejriwal se baatcheet ke dauraan yeh faisala kiya gaya ki apne neta ki giraftaari ke khilaaf party koi virodh pradarshan naheen karegi. Iski bajaay vah ghar-ghar jaakar logon se sampark saadhane ki muhim chalaaegi. Is muhim mein janta ko bataaya jaaega ki Kejriwal jaisa vyakti jo ki bhrasht naheen hai aur imaandaar neta hai, kyon jail bheja gaya hai. Kejriwal ki giraftaari ke virodh mein Budhvaar raat tihaad jail ke baahar 'Aap' kaaryakartaaon ki police se jhadap hui thi. Nishedhaagya ka ullanghan karne ke aarop mein Yogendra Yadav, maneesh sisodiya sahit 59 'Aap' kaaryakataaon ko police ne giraftaar kiya tha. Unhein abhi tak chhoda naheen gaya hai. Kejriwal ke baare mein poochhe jaane par aashutosh ne bataaya ki unhein vipaasana prakoshth mein rakha gaya hai aur vah theek hain. Arvind Kejriwal ki patni suneeta ne apni pati ka bachaav karte hue kaha, vah koi aparaadhi naheen hain. Jab vah likhit aashvaasan dene ko taiyaar the, to muchalaka ki rakam kyon bharein. Vah apne pati ke liye vastr aur davaaen lekar unase milne tihaad gayi theen. BJP neta nitin gadkari ki or se daayar aaparaadhik maanahaani ke maamale mein Kejriwal dvaara muchalaka bharne se inkaar kiye jaane par Delhi ki ek adaalat ne Budhvaar ko unhein 23 taareekh tak ke liye jail bhej diya. Kejriwal ka tark tha ki muchalaka bharne ka matlab aparaadh kaboolana hoga, jo unhonne naheen kiya. suneeta ne media dvaara apne pati ke kadam ko 'Drama' bataane ki bhi aalochna ki. Unhonne kaha ki media jis tarah se poore maamale ko pesh kar raha hai, vah galat hai.

Kejriwal Ki Giraftaari Ka Virodh Karne Ki Bajaay Ghar-ghar Jaaegi 'Aap https://www.angrejinews.com/pic/51367