Keerti Aajaad 15 February Ko Congress Mein Shaamil Honge, Seaton Ko Lekar Rassaakasi Jaari

Breaking »

Keerti Aajaad 15 February Ko Congress Mein Shaamil Honge, Seaton Ko Lekar Rassaakasi Jaari

Nai Delhi Bihar mein aam chunaav se theek pehle netaaon ka ek paale se doosare paale mein jaane ka bada daur shuroo ho sakta hai. Iski shuruaat 15 February se ho sakti hai jab BJP se nishkaasit saansad keerti jha aajaad Congress mein shaamil honge. Us din vah Delhi mein Congress adhyaksh Rahul Gandhi ke saamane party mein shaamil honge. Vaheen Bihar mein Congress ke 3 senior neta bhi chunaav se pehle JDU aur BJP ka haath pakad sakte hain. Keerti aajaad ne enabeeti se kaha ki unka Congress mein jaana tay hai aur vah 15 February ko party mein shaamil ho rahe hain. Haalaanki ,unke shaamil hone ke baad asal savaal yeh uth raha hai ki vah kis seat se chunaav ladeinge. 2014 ke aam chunaav mein vah Bihar ke darabhanga Loksabha seat se chune gaye the. Lekin is baar us seat par pehle se hi kai daavedaar khade hain. Mahaagathabandhan ki sahayogi VIP party ke mukesh sahani ne pehle hi darabhanga seat se chunaav ladne ka ailaan kar diya hai. Keerti aajaad ke Delhi ke kisi Loksabha seat se bhi chunaav ladne ki khabarein aain lekin aajaad ke kareebiyon ke anusaar Delhi se chunaav ladne ki koi sambhaavana naheen hai. Keerti aajaad ke baad agale hafte hi Bihar ke baahubali neta anant Singh bhi Congress mein shaamil honge. Iske alaav poorniya se BJP ke neta udaya Singh bhi Congress mein shaamil ho sakte hain. Udhar, Congress ke senior neta raamayatan sinha ke alaava 2 aur party netaaon ke BJP aur JDU mein shaamil hone ki bhi khabar aa rahi hai. Is uthaapathak ke beech mahaagathabandhan netaaon ne sanket diya ki 15 February ke turant baad seaton ka bantavaara ho jaaega. Haalaanki, abhi bhi kam se kam ek darjan seaton par maamala fansa hua hai. Congress 12 se kam seat par kisi bhi soorat mein maanane se inkaar kar rahi hai. Vaheen, aarajedi ne ab yeh bhi faarmyula diya hai ki aarajedi-Congress 20-20 seat baante lein. Sahayogiyon ko seat dene ki jimmedaari Congress ki hogi aur aarajedi 20 seaton par ladegi. Udhar NDA mein BJP, raamavilaas paasavaan aur neeteesh Kumar ke beech seaton ka bantavaara pehle hi ho chuka hai aur kaun si party kis seat par ladegi iska ailaan bhi jald ho jaaega. Sootron ke anusaar NDA mein 2-3 seat par takaraav bana hua ki kaun si party vahaan se ladeingi.

Keerti Aajaad 15 February Ko Congress Mein Shaamil Honge, Seaton Ko Lekar Rassaakasi Jaari https://www.angrejinews.com/pic/253870