Kashyap Asiaee Badminton Championship Ke Teesare Daur Mein

Sports » Thursday, April 18, 2013

Taipei. . Bhaarat ke badminton star paaroopalli kashyap Asiaee badminton championship ke purushon ke singals ke teesare daur mein pahunch gaye hain. Tournament ke chauthe vareeya aur vishv ke saatavein vareeya khilaadi kashyap ne doosare daur mein guruvaar ko cheeni Taipei ke haan chou choo ko 21-17, 21-19 se haraaya kiya. Yah match 31 minute chala. In donon ke beech yah pehli bhidant thi. Agale daur mein kashyap ka saamana cheen ke huaan gaao se hoga. Tournament ke 15vein aur vishv ke 24vein vareeya huaan aur kashyap ke ab tak do baar bhidant hui hai. Ek baar kashyap jeete hain jabki ek baar huaan ki jeet hui hai. Is tournament mein kashyap ke alaava Bhaarat ke saai praneet (purush ekal), PV sindhu (mahila ekal) aur praandya gadare tatha ashvini ponappa (mahila yugal) ki chunauti shesh rah gayi hai. Budhvaar ko ekal aur yugal varg mein Bhaarat ke kai khilaadiyon ki chunauti samaapt ho gayi thi.