Kashmir Se Sena Hataane Ki Koi Yojana Naheen Sarkaar
Breaking » Wednesday, February 27, 2013
Nai Delhi: Sarkaar ne Budhvaar ko bataaya ki Jammu-Kashmir se sena hataane ki koi yojana naheen hai kyonki suraksha balon ko vyaapak suraksha sthiti ko dhyaan mein rakhate hue tainaat kiya jaata hai. Gruharaajyamantri aarapeeen Singh ne is savaal ke likhit javaab mein Rajyasabha ko yah jaankaari di ki kya sarkaar seemaant raajya se sena ko hataane ke baare mein vichaar kar rahi hai. Unhonne kaha, ''Naheen. Jammu Kashmir se sena ko hataane ki koi yojana naheen hai. '' Mantri ne kaha ki kisi bhi samay suraksha balon ki tainaati ki sameeksha kendra evam raajya sarkaar ke sheersh abhiyaanagat star par khataron ko dekhte hue ki jaati hai. Unhonne kaha ki suraksha balon ki sankhya aur unki tainaatagi samagr suraksha sthiti ke anusaar badalti rahati hai. Mantri ne kaha ki sarkaar sabhi tarah ki vichaaradhaaraaon vaale logon ke saath baat karne ke liye taiyaar rahati hain. Inmein hinsa ka raasta tyaagane vaale alagaavavaadi bhi shaamil hain.