Kashmir Mein Hurriyat Conference Ke Netaaon Ko Kiya Gaya Najaraband

Breaking »

Kashmir Mein Hurriyat Conference Ke Netaaon Ko Kiya Gaya Najaraband

Shreenagar. . Sansad hamle ke doshi Afzal guru ke parivaar se mulaakaat karne ki ghoshana ke baad adhikaariyon ne yahaan udaaravaadi hurriyat conference ke pramukh meeravaaij umar Faruk sahit kai doosare netaaon ko najaraband kar liya hai. Aadhikaarik sootron ne bataaya ki meeravaaij ke alaava najaraband kiye gaye doosare netaaon mein hurriyat ke kaaryakaari sadasya aaga Sayyed hasan alasafavi alamausavi, jafar Akbar bhat aur meeravaaij ke salaahakaar shaahidul islaam shaamil hain. Meeravaaij ne kal ghoshana ki thi ki hurriyat ke doosare netaaon ke saath vah aaj uttari Kashmir mein sopor ke doaabagaah sthit Afzal guru ke ghar jaaenge. Is kaaran kaanoon-vyavastha bigadne ki aashanka ke chalte adhikaariyon ne unhein najaraband kar liya hai. Police pravakta ne bataaya ki hurriyat ke ek anya neta aur Jammu-Kashmir peepals league ke pramukh mukhtaar Ahmad vaaja ko kal hiraasat mein lekar anantanaag jile ke sadar police thaane mein rakha gaya hai.

Kashmir Mein Hurriyat Conference Ke Netaaon Ko Kiya Gaya Najaraband https://www.angrejinews.com/pic/4062