Kasaab, Afzal Ki Faansi Ki Pratikriya Hai Hyderabad Visfot Shinde

Breaking » Sunday, February 24, 2013

Kolkata: Keindreeya gruhamantri susheel Kumar shinde ne yahaan ravivaar ko keindreeya star par aatankvaad virodhi sanstha ke gathan ki jaroorat par jor dete hue kaha ki Hyderabad mein hue dohare bam visfot Ajmal kasaab aur Afzal guru ko di gayi faansi par badle ki aatankvaadi kaarravaai hai. Unhonne kaha ki ve un sabhi mukhyamantriyon se is baare mein baat kareinge jo aatankvaad nirodhak keindreeya sanstha ke gathan ka virodh kar rahe hain. Shinde ne yahaan samvaadadaataaon ke saath baatcheet mein kaha, "Aatankvaadi hamle ki aashanka ke maddenajar humne poore desh ke liye alert jaari kiya tha. Hamaara maanana tha ki jab humne do aatankvaadiyon ko faansi di hai to usaki kuchh na kuchh pratikriya to hogi hi. " unhonne yah bharosa jataaya ki visfot ke baad hui foreinsik jaanch ka parinaam saamane aaega aur sheegra hi doshiyon ko daboch liya jaaega. Gyaat ho ki Hyderabad ke dilsukhanagar mein guruvaar ki shaam hue do bam dhamaakon mein 16 log maare gaye aur 117 log ghaayal ho gaye. Raashtreeya aatankvaad virodhi kendra (enaseeteesi) ki jaroorat par bal dete hue shinde ne kaha ki unhein pashchim Bengal ki mukhyamantri mamata Bannerjee se is mudde par madad milne ki poori ummeed hai. Mamata bhi is sanstha ke gathan ka virodh kar rahe mukhyamantriyon ki kataar mein khadi hain. Gaurtalab hai ki pichhle varsh tatkaaleen keindreeya gruh mantri pi. Chidambaram ne enaseeteesi ke gathan ka prastaav rakha tha, jise kuchh raajyon ke mukhyamantriyon ne raajyon ke adhikaar kshetr mein hastakshep bataakar virodh jataaya tha. Iske baad se yah prastaav thande baste mein hai.