Karodon Rupae Ke Kolataar Ghotaale Mein Teen Ko Jail

Breaking »

Karodon Rupae Ke Kolataar Ghotaale Mein Teen Ko Jail

Patna. . Patna sthit CBI ki ek vishesh adaalat ne Bihar mein karodon rupae ke taarakol ghotaale mein motihaari sthit rod construction dipaartameint mein kareeb 70 lakh rupae ke gaban ke ek maamale mein Budhvaar ko do injiniyr samet teen logon ko paanch varsh ke sashram kaaraavaas aur pratyek ko 20 hajaar rupae ke jurmaane ki saja sunaai. CBI ke vishesh nyaayaadheesh vashishth Narayan Singh ne motihaari mein 1994-1995 ke beech 70 lakh rupaye keemat ke 1438 mitrik tan taarakol ghotaale mein motihaari ke tatkaaleen junior injiniyr devachand, chaudhari, dheereindr Narayan kunvar aur ek thekedaar deeen Singh ko doshi karaar dete hue paanch varsh ke sashram kaaraavaas aur pratyek ko 20 hajaar rupae ke jurmaane ki saja di. Patna uchch nyaayaalaya ke nirdesh par 5 March 1997 ko CBI ne is maamale ki jaanch shuroo ki thi aur 30 June 2000 ko adaalat mein aarop patra daakhil kiya tha. Pashchim Bengal ke haldiya se motihaari ke liye chale taarakol ko in padaadhikaariyon ki mileebhagat se gaban kar liya gaya tha. Raajya mein sadak nirmaan mein prayog mein aane vaale karodon rupae ke taarakol ghotaale hue the jiske alag-alag maamale chal rahe hain.

Karodon Rupae Ke Kolataar Ghotaale Mein Teen Ko Jail https://www.angrejinews.com/pic/6625