Karnataka Vidhaanasabha Adhyaksh Ne Baagi Vidhaayakon Ka Isteefa Sveekaar Kiya

India » Wednesday, January 30, 2013

Bengaluru: Karnataka mein siyaasi uthaapatak ke beech vidhaanasabha adhyaksh KG bopaiya ne 12 bhaajapa vidhaayakon ka isteefa sveekaar kar liya jinhein BS yediyurappa ka kareebi maana jaata hai lekin isse jagadeesh shettaar sarkaar ko abhi koi khatra naheen hai. Terah vidhaayakon ne vidhaanasaudh mein vidhaanasabha adhyaksh ke kaaryaalaya mein subah unase bheint ki aur sadan ki sadasyata se apne isteefe saunp diye. Iske kai ghante baad unka isteefa sveekaar kiya gaya. Vidhaanasabha adhyaksh kaaryaalaya ke sootron ke mutaabik takaneeki kaaranon se vittaala kataakaadonda ka isteefa sveekaar naheen kiya gaya.