Karnataka Mein Voting Shuroo, BJP Ki Saakh Daanv Par

Breaking »

Karnataka Mein Voting Shuroo, BJP Ki Saakh Daanv Par

Bengaluru/nai Delhi. . Kadi suraksha ke beech Karnataka ki kul 224 vidhaanasabha seaton mein 223 seaton ke liye aaj voting shuroo ho gayi hai. Shahari ilaakon mein subah ke vakt rujhaan thoda kam najar aa raha hai, lekin graameen ilaakon se khabarein aa rahi hain ki vahaan badi sankhya mein votar matadaan kendra mein ja rahe hain. Shimoga mein poorv mukhyamantri bi. S. Yedayurappa voting shuroo hone se aadhe ghante pehle hi apne matadaan kendra pahunch gaye the aur vahaan doosare voteron ke saath kataar mein khade dikhe. Bengaluru ke ek booth par takaneeki dikkaton ke kaaran matadaan rok diya gaya hai. Ek seat par BJP ummeedavaar ki maut ho jaane ke kaaran ab vahaan 28 May ko matadaan hoga. Is beech, poore Karnataka mein prachand garmi ko dekhte hue chunaav aayog ne vahaan voting ki avadhi ek ghante ke liye badha di hai. Ab vahaan subah 7 baje se lekar shaam ke 6 baje tak vote daale jaaenge. Yah pehla mauka hai jab raajya ke kareeb 1100 matadaan keindron ki nigraani camere lagaakar ki ja rahi hai. Daanv par BJP ki saakh Karnataka chunaav mein sattaaroodh BJP ki saakh daanv par lagi hai. Lingaayat samudaaya ke neta yedayurappa ke BJP se alag hone ke baad party ke vote bank par asar pad sakta hai. Naurth Karnataka ke 12 jilon mein lingaayat samudaaya ka dabadaba hai, jo 95 vidhaayak chunakar bhejata hai. BJP ne chunaav mein lingaayat neta jagadeesh shettaar ko hi aage kiya hai. Agar aankade ki baat karein, to is samudaaya ke paas raajya ka 21 feesadi vote hai. Vaheen yedayurappa lingaayat samudaaya ke bade neta maane jaate hain. Yah dekhkar lagta hai ki BJP ki raah aasaan naheen hai. Kis karvat baithega oont? Karnataka mein raajaneetik dal sambhaavit sameekaranon ko bithaane mein jute hue hain. Haalaanki yah maana ja raha hai ki is baar Congress ki seaton ki sankhya badhne ja rahi hai, lekin yah savaal abhi bhi bana huaa hai ki Congress apne boote sarkaar bana paane mein kaamayaabi hogi ya fir use sarkaar banaane ke liye jedeees ya fir yedayurappa ki Karnataka janta party (kejeepi) mein se kisi ek ki madad leni hogi. Aankadon ka khel pichhli baar: Vidhaanasabha chunaav mein BJP ne 33.86 feesadi vote lekar 110 seaton par kabja kiya tha jabki Congress ko BJP se jyaada yaani 34.76 feesadi vote mile the lekin use seatein mahaj 80 hi mili theen. Us vakt raajya mein teesari taakat jedeees thi aur use 18.95 feesadi vote aur 28 seatein mili theen. Is baar: Is baar sameekaran bilkul alag hain. Is baar BJP se alag hue yedayurappa ki party alag taal thok rahi hai. Is tarah se is baar raajya mein satta ke liye chaar bade daavedaar hain. Yah dekhte hue ki kisi ek dal ko bahumat milega, yah kah paana jaldabaaji hogi.

Karnataka Mein Voting Shuroo, BJP Ki Saakh Daanv Par https://www.angrejinews.com/pic/7698