Karnataka Mein Prachaar Kareinge Manmohan , Soniya Aur Rahul

Breaking »

Karnataka Mein Prachaar Kareinge Manmohan , Soniya Aur Rahul

Bengaluru. . Karnataka mein paanch May ko hone vaale vidhaanasabha chunaavon ke liye pradhaanamantri Manmohan Singh, Congress adhyaksh soniya Gandhi aur akhil bhaarateeya Congress samiti ke upaadhyaksh Rahul Gandhi 23 April se das dinon ke liye raajyabhar mein prachaar kareinge. Karnataka pradesh Congress samiti ke adhyaksh ji. Parameshvar ne ravivaar ko kaha ki pradhaanamantri Manmohan Singh Hubli, dhaaravaad aur Bengaluru mein 29 April ko prachaar kareinge. Unhonne kaha ki kaaryakram mein badlaav ho sakta hai. Rahul Gandhi 23 April ko bellaari, raayachoor aur Bijapur mein, 28 April ko kolaar, tumakur aur haaveri mein sabha ko sambodhit kareinge. Chunaav prachaar ke antim charan mein ek May ko vah Mysore, Hassan aur shimoga mein chunaav prachaar kareinge. Parameshvar ne kaha ki Congress adhyaksh soniya Gandhi chikmangaloor aur meingaluru mein 26 April ko, gulabarga evam belagaam mein 30 April ko aur Mysore evam Bengaluru mein do May ko prachaar kareingi. BJP sarkaar ke satta mein aane ke baad hue chunaavon mein party ka pradarshan bura raha lekin sattaaroodh party ke androoni sangharsh evam bhrashtaachaar ke aaropon mein ghir jaane ke baad se Congress ko kuchh badhat dikhaai day rahi hai. Keindreeya mantriyon, poorv mukhyamantriyon aur varishth netaaon sahit 40 se jyaada Congressi diggaj raajya mein matadaataaon ko lubhaane ke liye prachaar kareinge.

Karnataka Mein Prachaar Kareinge Manmohan , Soniya Aur Rahul https://www.angrejinews.com/pic/5513