Karnataka Mein Narendra Modi Ka Virodh

Breaking »

Karnataka Mein Narendra Modi Ka Virodh

Bengaluru. . Gujarat CM Narendra Modi ka Karnataka pahunchane se pehle hi virodh shuroo ho gaya hai. Modi aaj Bengaluru city mein ek chunaavi sabha ko sambodhit karne vaale hain. Sootron ke mutaabik, kuchh NGO Narendra Modi ke Karnataka aane ka virodh kar rahe hain. Pradarshanakaariyon ke haath mein 'Dont disturb Karnataka' jaise naare likhe poster dekhe gaye. Gaurtalab hai ki vidhaanasabha chunaav mein dagamaga rahi apni naiya sambhaalne ke iraade se BJP ne Modi ko Karnataka mein prachaar ke liye maidaan mein utaarane ka faisala kiya hai. Haalaanki, abhi unka Bengaluru city mein ek hi janasabha ko sambodhit karne ka plaan hai. Bhavishya ki unki prachaar yojana ka BJP ne khulaasa naheen kiya hai lekin maana ja raha hai ki party Modi ki jyaada sabhaaen karaane ke paksh mein naheen hai. Iski vajah yah hai ki BJP naheen chaahati ki Karnataka ke result aane ke baad Congress seedhe Modi ko nishaana banaae. Kaamayaabi ka chaans kam Modi se Karnataka mein chunaav prachaar karaane ko lekar BJP pichhle kuchh arase se asamanjas ki sthiti mein rahi hai. Iski vajah yah hai ki pichhli baar raajya mein chunaav jeetkar sarkaar banaane waali BJP ko khud hi raajya mein apni sthiti jyaada behtar najar naheen aa rahi hai. Use lagta hai ki is baar uske liye pichhla pradarshan doharaana mushkil ho sakta hai. Isi vajah se BJP naheen chaahati ki vah apne star prachaarak ko yahaan jyaada vakt ke liye lagaae. Varana vidhaanasabha chunaav ke baad iska seedha asar Modi ki imej par padega.

Karnataka Mein Narendra Modi Ka Virodh https://www.angrejinews.com/pic/7004