Karnataka Mein Naheen Chala Modi Ka Jaadoo

Breaking »

Karnataka Mein Naheen Chala Modi Ka Jaadoo

Nai Delhi . . Karnataka chunaav ke jhatke BJP ko pradesh star par hi naheen, raashtreeya star par bhi mahasoos ho raha hai. Iski sabse badi vajah yah hai ki jis Narendra Modi ko aagaami Loksabha chunaavon mein BJP ka sabse bada daanv maana ja raha hai, vah Karnataka chunaav mein beasar saabit hue. Haalaanki Congress ke Rahul Gandhi bhi voteron ko prabhaavit karne mein vaise hi naakaam rahe. Gujarat ke mukhyamantri Narendra Modi ki poore desh mein lokapriyta ka bakhaan BJP adhyaksh Rajnath Singh samet saare pramukh neta karte rahate hain. Gujarat mein teesari baar jeet darj karaane ke baad yah pehla mauka tha jab Gujarat ke baahar Modi ko apni lokapriyta saabit karni thi. Modi ki rallyan to bheed kheenchne mein safal raheen. Modi ne Congress aur UPA par hamla bhi jordaar bola. Lekin, vote naheen dalava paae. Modi 37 vidhaanasabha seaton mein gaye the, magar, inmein se sirf 16 seatein BJP ki jholi mein jaati dikh rahi hain. 21 seaton par BJP peechhe chal rahi hai. Doosari or Rahul Gandhi ka haal bhi aisa hi raha. Unhonne 60 vidhaanasabha kshetron ka daura kiya tha. Inmein se 34 par Congress peechhe chal rahi hai. Haalaanki Congress chunaav nateejon mein baaji maarati dikh rahi hai. Isliye Congress ki is jeet ka shreya Rahul ko dene mein Congressi peechhe naheen raheinge. Magar, choonki BJP in chunaavon mein buri tarah pit rahi hai, isliye Modi ko party ki haar ki atirikt jimmedaari leni hogi. Aise mein BJP ke andar aur baahar Modi virodhi Karnataka chunaav nateejon ko Modi ke khilaaf istemaal karein to aashcharya naheen.

Karnataka Mein Naheen Chala Modi Ka Jaadoo https://www.angrejinews.com/pic/8031