Karnataka Mein Maayaavati Ki Talaashi Li Gayi, BSP Aagababoola

Breaking » Saturday, April 27, 2013

Bengaluru . . Karnataka mein ek chunaav rally ko sambodhit karne ja raheen BSP pramukh maayaavati ke helikauptar aur unki car ki talaashi li gayi hai. Khabar hai ki talaashi chunaav aayog ke nirdesh par li gayi. Magar, BSP ne is par kada etaraaj jaahir karte hue savaal kiya hai ki kya kabhi soniya Gandhi aur Rahul Gandhi ki gaadiyon ki bhi talaashi li jaati hai. Mili jaankaari ke mutaabik shanivaar ko maayaavati Karnataka ke gevaragi mein ek rally ko sambodhit karne ja rahi theen. Karnataka ke gulabarga tak vah helikauptar se pahuncheen aur vahaan se car se gevaragi ja rahi theen. Gulabarga mein hi policekarmiyon ne maayaavati ke helikauptar ki talaashi li. Unki car ki bhi talaashi li gayi. Talaashi ke vakt maayaavati ke saath sateesh chandra mishra bhi maujood the. Talaashi ke baad maayaavati aage badh gain aur unhonne tay kaaryakram ke mutaabik gevaragi mein rally ko sambodhit kiya. Magar, BSP ke log is talaashi se bhadke hue hain. Unka kehna hai ki yah unke netaaon ki is tarah se talaashi lena poori party ka apamaan hai. Karnataka ke BSP netaaon ne savaal kiya ki kya soniya Gandhi aur Rahul Gandhi ki kabhi is tarah talaashi li gayi? Unka kehna hai ki vah is baat ko jor-shor se uthaaenge.