Karnataka Mein Limited Maaining Ki Ijaajat

Business »

Karnataka Mein Limited Maaining Ki Ijaajat

meera mohanti 7 samanvaya ratoodi nai Delhi Supreme court ko aksar duniya ka paavaraful court kaha jaata hai. Iski ek aur baanagi guruvaar ko dekhne ko mili. Adaalat ne jahaan Karnataka mein fir se seemit maaining shuroo karne ki ijaajat day di, vaheen udeesa mein vedaanta group ke bauksaait project ki kismat ka faisala vahaan ke sthaaneeya logon par chhod diya. Yah faisala ikanaumi mein joodishiyri ke badhte asar ko dikhaata hai. Supreme court ne Karnataka ke bellaari, tumakur aur chitradurg jile mein aayaran or maaining ke liye production limit 30 lakh tan saalaana tay ki hai. Adaalat ne tathaakathit si kaitegari ke liye 49 maaining leej ko kainsal karte hue end users ke liye iski neelaami ka nirdesh diya. A kaitegari ki kul 55 aur bi kaitegari ki 63 khadaanon mein maaining shuroo karne ki ijaajat di gayi hai. Haalaanki, iske saath jurmaana bharne aur baaki niyamon ka paalan karne ki bhi shart hai. Justice aafataab aalam ki aguvaai vaale teen judgeon ki bench ne kaha, 'Si kaitegari mein aane waali maaining leej radd kiye jaane ke baad paaradarshi biding ke jariye sabse jyaada boli lagaane vaale end user ko in khadaanon ko aavantit kiya jaana chaahiye. ' aise auction ke liye flor price market vailyoo par aadhaarit hogi. Saath hi, or ka istemaal sirf kaiptiv yooj ke liye kiya jaaega. Adaalat ne kaha ki is kaitegari ki khadaanon mein kisi bhi tarah ki bikri ya eksaport ki ijaajat naheen hogi. Maujooda niyamon ke mutaabik, mineral license ke liye kaumpititiv biding mumkin naheen hai. Is baare mein pesh kiya gaya bill sansad ki sthaayi samiti ke paas peinding hai. Supreme court ka faisala neelaami ke jariye sabhi maaining leej ke elokeshan ka raasta taiyaar kar sakta hai. Court ki ek aur bench ne spectrum samet tamaam nechural risorsej ke elokeshan ke liye auction jaroori bataaya tha. Haalaanki, presideinshiyl refareins mein adaalat ne saaf kiya ki yah sirf spectrum tak seemit tha. Adaalat ne kaha ki bhavishya mein bhi gair-kaanooni tareeke se chal rahi maaining bardaasht naheen ki jaaegi. Court ke mutaabik, maaining ektiviti par aage bhi usaki najar bani rahegi.

Karnataka Mein Limited Maaining Ki Ijaajat https://www.angrejinews.com/pic/6066