Karnataka Mein Jeetate To Aashcharya Hotaa Advani

Breaking »

Karnataka Mein Jeetate To Aashcharya Hotaa Advani

Nai Delhi. . Karnataka mein satta ganvaane ke baad BJP ke sheershasth neta Lal Krishna Advani ne chuppi todi hai. Haar par aashcharya naheen balki dukh jataate hue Advani ne apne blog mein likha hai ki agar BJP jeetati unhein tab aashcharya hota. Advani ne Karnataka ke nateeje ko BJP-Congress donon ke liye sabak bataate hue likha hai ki netaaon par bhrashtaachaar ke aaropon ki vajah se logon mein gussa hai aur vah netaaon ko pasand naheen karte. Advani ne savaal khada kiya hai ki agar bhrashtaachaar Karnataka mein aakrosh bhadkaata hai to Delhi mein aisi bhaavana kyon naheen dikhaai deti? Daraasal, Karnataka parinaam ke baad hi Congress ne 'Kolaget' aur 'Relaget' jaise maamale par thos kaarravaai ki. Karnataka parinaam se pehle Congress party donon maamale par koi kaarravaai naheen karna chaah rahi thi jabki sansad mein bajat satr ka doosra hissa poori tarah barbaad ho gaya. Advani ne riports ki or ishaara kiya hai jinmein party ki haar ka kaaran yedayurappa ko nikaalna bataaya gaya hai. Bakaul Advani, BJP par hamla karte hue prakhyaat logon ne aisa kaha hai: Lekin saath hi Soniaji ne veerabhadr Singh ke masale par kaise kaam kiya aur Congress ko iska faayda bhi mila. Karnataka mein saiddhaantik faisala lekar BJP ko khud par garv hai lekin usaki parinti hamein raajya khokar chukaani padi hai. Yedayurappa masale par party ke faisale par savaal khada karte hue Advani ne likha hai ki yedayurappa ne alag hokar party banaai, unhein nikaala naheen gaya. Agar BJP unke khilaaf bhrashtaachaar ke maamale saamane ke turant baad faisala leti to chunaavi nateeja kuchh aur hota. Vaheen, isse pehle shanivaar ko BJP adhyaksh Rajnath Singh ne Karnataka aur uttaraakhand, Himachal pradesh mein hui party ki haar par dilchasp safaai di thi. Unhonne kaha, BJP Loksabha mein jeetne ke liye raajyon mein haar rahi hai. Rajnath ne kaha tha, jab kabhi lambi chhalaang lagaani hoti hai to chaar kadam peechhe hatna padta hai. ' gaurtalab hai ki Karnataka chunaav mein haar se BJP ko jabaradast dhakka laga hai. Bhrashtaachaar ke masale par Congress par hamle ka ek mauka naheen chhodne waali party Karnataka mein satta kho chuki hai. BJP ko maatr 40 seaton se santosh karna pada jabki deshbhar mein virodhiyon ke hamle jhel rahi Congress ne bahumat se jyaada 121 seat haasil ki. Savaal yah hai, kya BJP mein haar ki vajah talaashane aur aatmamanthan ki bajaay Congress virodh ke naam par milne vaale samarthan ko jutaane ki paripaati chal rahi hai? Congress ne ek ke baad ek teen raajya BJP se jeete hain. Congress ko naakaam karaar dekar usaki jeet ko darakinaar naheen kiya ja sakta.

Karnataka Mein Jeetate To Aashcharya Hotaa Advani https://www.angrejinews.com/pic/8395