Karnataka Mein Jeet Ke Baad Congress Ke Nishaane Par Narendra Modi

Breaking »

Karnataka Mein Jeet Ke Baad Congress Ke Nishaane Par Narendra Modi

Bengaluru/nai Delhi. . Karnataka mein Congress ki jeet koi apratyaashit naheen hai lekin aasaani se bahumat haasil kar lene se log hairaan hain. Siyaasi panditon ko bhi ummeed naheen thi ki BJP kareeb 14 parseint vote share kho degi aur 20 parseint mein hi simat jaaegi. Doosari taraf ki janta dal(secular) ka performance bhi ummeed se kam hai. Congress ke liye Karnataka ki jeet keval isliye aham naheen hai ki use south India mein BJP ki pehli sarkaar ko baahar karne mein safalta mili hai balki is dhaarana ko bhi dhakka laga hai ki Congress 2014 ke aam chunaav ke liye taiyaar naheen hai. Doosari taraf is jeet se Congress ko badi raahat mili hai jab uske kai mantri bhrashtaachaar ke sangeen aaropon se ghire hain aur vipaksh daagi mantriyon ko barkhaast karne par ada hai. Congress ko Karnataka mein 121 seaton par kabja karne mein kaamayaabi mili hai. Vote share bhi badhkar 36.6 parseint ho gaya. Doosari taraf BJP mahaj 40 seaton mein hi simat gayi. Jedi(S) ke khaate mein bhi 40 seatein hi aain. Haalaanki jedi(S) ka vote share 20 feesadi se oopar raha lekin use kingamekar banane ka mauka naheen mila. BJP se bagaavat kar alag Karnataka janta party banaane vaale yediyurappa bhi buri tarah se naakaam rahe. Yediyurappa 9.8 parseint vote ke saath mahaj 6 seat hi jeet paae. Lekin yediyurappa ne BJP ki kamar tod di aur Congress ki jeet ko aasaan bana diya. Bhaarat ki chunaavi raajaneeti mein khaas karke raajyon mein spasht janaadesh milne ka new treind saamane aaya hai. Log sthaayi sarkaar chaahate hain jaisa ki uttar pradesh mein bhi aisa dekhne ko mila hai. Isi new treind ke voteron ki madad se Congress ko Karnataka mein prabhaavi jeet haasil karne mein madad mili. Raajya ki sattaadhaari party BJP ke shaasanakaal mein jis tarah ki raajaneetik asthirta, bhrashtaachaar aur prashaasanik vifalta ke roj nae kisse saamane aa rahe the usaka Congress ne jamkar faayda uthaaya. Congress ke liye isse behtar vakt naheen ho sakta hai jab uske rel mantri aur kaanoon mantri buri tarah se ghire hain aur sansad thap hai, aise mein Karnataka ki jeet kitna sukhad ho sakta hai, yah Congress hi samajh sakti hai. BJP ko lagta hai ki Karnataka ka janaadesh bhrashtaachaar, maaining skaim, bhoomi aavantan mein aniyamitata aur bhaai-bhateejaavaad ke khilaaf hai. Lekin Congress ne Narendra Modi ki kshamata par savaal daagane mein thodi bhi der naheen ki. Congress ki taraf se kaha gaya ki Narendra Modi ko Gujarat se baahar koi naheen jaanta hai. Soochana aur prasaaran mantri maneesh tivaari ne kaha ki BJP bhrashtaachaar ke naam par sansad naheen chalne dene ka naatak kar rahi thi jiska javaab Karnataka ki janta ne day diya hai. Haalaanki Karnataka ki haar se BJP ko koi hairaani naheen hai lekin Congress ki badi jeet se jaroor hairaan hai. Congress is haar ke baad apni rananeeti ke tahat seedhe Modi par nishaana saadh rahi hai. Jaahir hai yah nishaana 2014 ke aam chunaav ko lekar hai. Is jeet ke baad Congress ab saanpradayikta banaam dharmanirpekshata ko bhi mudda bana sakti hai. Congress jeet ki vyaakhya is rananeeti ke tahat karegi ki saanpradaayikta ki haar hui hai aur dharmanirpekshata ki jeet. Is rananeeti ke aadhaar par Congress ko neeteesh Kumar ko bhi saath laane mein madad milegi. Ab Congress Karnataka ke nateeje ke baad alpasankhyakon laamaband karne ki koshish tej karegi. Gaurtalab hai ki isi saal December mein Delhi, Rajasthan, Chhattisgarh aur madhya pradesh mein chunaav hain. In raajyon mein bhi BJP aur Congress ka hi seedha mukaabala hai.

Karnataka Mein Jeet Ke Baad Congress Ke Nishaane Par Narendra Modi https://www.angrejinews.com/pic/8101