Karnataka Mein Chhah Baje Tak Hoga Matadaan

Breaking »

Karnataka Mein Chhah Baje Tak Hoga Matadaan

nai Delhi. . Karnataka ke voteron ko raajya mein ravivaar ko hone vaale matadaan ke dauraan apna vote daalne ke liye ek ghanta jyaada samay milega aur ve ab shaam chhah baje tak matadaan kar sakeinge. Chunaav aayog ne mausam aur din ke samay garmi ko dhyaan mein rakhate hue apne pehle ki adhisoochana mein halka ferabadal kar matadaan ke samay ko paanch baje se badhaakar chhah baje tak karne ki ghoshana ki hai taaki log der tak matadaan kar sakein. Aayog ne pehle subah saat baje se shaam paanch baje tak matadaan karaane ki ghoshana ki thi. Aayog ne ab ise badhaakar shaam chhah baje tak kar diya hai. Karnataka vidhaanasabha ki 224 seaton ke liye ravivaar ko matadaan hona hai.

Karnataka Mein Chhah Baje Tak Hoga Matadaan https://www.angrejinews.com/pic/7660