Karnataka Do Aur Bhaajapa Mantriyon Ka Isteefa, Congress Mein Ho Sakte Hain Shaamil

Breaking »

Karnataka  Do Aur Bhaajapa Mantriyon Ka Isteefa, Congress Mein Ho Sakte Hain Shaamil

Bengaluru: Karnataka mein sattaaroodh bhaarateeya janta party ko guruvaar ko us samay fir jhatka laga jab uske do aur mantriyon ne in sanketon ke beech jagadeesh shettaar mantrimandal se isteefa day diya ki ve Congress mein shaamil ho sakte hain. Vanamantri CP yogeeshvar aur laghu udyog mantri raajoogauda urf narasimha naayak ne aaj mukhyamantri jagadeesh shettaar ko isteefa saunp diya. Isse pehle ve raajyapaal hansaraaj Bhardwaj se mile the lekin unhonne use 'Shishtaachaar bheint' bataaya tha. Donon ne kaha ki ve party ki praathamik sadasyata se bhi isteefa day deinge aur vidhaanasabhaadhyaksh KG bopaiya ko bhi vidhaanasabha se apna tyaagapatr saunp deinge. Sootron ne bataaya ki yogeeshvar aur raajoogauda se Congress ke keindreeya netaaon ne vaada kiya hai ki unhein Congress mein shaamil kar liya jaaega. 7 March ko hone vaale shahari nikaaya chunaav (Bengaluru ko chhodkar) aur May mein sambhaavit vidhaanasabha chunaav se pehle log bhaajapa chhodkar ja rahe hain. Poorv bhaajapa mukhyamantri BS yediyurappa ke nishthaavaan lokanirmaan mantri CM udaasi aur oorjaamantri shobha karaandalaje ne pichhle maheene bhaajapa ke 11 vidhaayakon ke saath isteefa day diya tha. Un sabhi ne vidhaanasabha ki sadasyata se isteefa day diya tha. Sootron ne daava kiya ki kuchh mantriyon samet kai bhaajapa vidhaayakon ne Congress ka darvaaja khatkhataaya hai. Congress unke prastaav par gaur kar rahi hai.

Karnataka Do Aur Bhaajapa Mantriyon Ka Isteefa, Congress Mein Ho Sakte Hain Shaamil https://www.angrejinews.com/pic/2500