Karnaatak Alag-alag Koi Bhavishya Naheen Yedayurappa Aur BJP Ka

Breaking »

Karnaatak Alag-alag Koi Bhavishya Naheen Yedayurappa Aur BJP Ka

Nai Delhi . . Karnataka vidhaanasabha chunaav mein saari seaton ke nateeje abhi naheen aae hain, lekin fir bhi in chunaav nateejon ne yah baat saaf kar di hai ki Karnataka mein BJP aur yedayurappa ka ek-doosare se alag koi bhavishya naheen hai. Na to yedayurappa ko chhodkar BJP kuchh kar sakti hai aur na BJP se alag yedayurappa apni koi raajaneetik haisiyat bana sakte hain. Lekin donon mil jaaen to badi aasaani se pradesh raajaneeti par kaabij ho sakte hain. Bi S yedayurappa shuroo se Karnataka BJP ki sabse badi taakat rahe hain. Dakshin mein agar BJP apna ek durg bana saki thi to vah yedayurappa ki hi badaulat. Magar, yah durg jitni jaldi bana utani jaldi hi dhah gaya. Kaaran raha yedayurappa ka apne hi sangathan ke netrutv se takaraav. BJP ki jeet ko yedayurappa apna kamaal maanate the. Doosari or BJP netrutv unhein yah samajhaane ki koshish karta raha ki vah jo kuchh hain sangathan ki badaulat hain. Donon mein se koi bhi ek-doosare ko apni baat theek se samjha naheen paaya. Nateeja yah ki 2008 ke vidhaanasabha chunaav mein jeet ka jhanda gaadne ke baad 2013 ke vidhaanasabha chunaav se pehle donon ek-doosare ko usaki aukaat bataane mein lag gaye. Aur chunaav nateejon se saaf hai ki yedayurappa ne BJP ko khaasa nuksaan pahunchaaya hai. Pichhle chunaav mein 110 seatein laane waali BJP is baar 50 ke aaspaas simtati dikh rahi hai. Magar, BJP se alag hokar yedayurappa bhi faayde mein naheen rahe. Kingamekar banane ki unki khvaahish dhari ki dhari rah gayi. Seaton ke maamale mein jedeees unki KJP se kaafi aage nikal gayi hai. Ab vah sattaaroodh dal ko apna samarthan jaroor day sakte hain, kuchh had tak us samarthan ki keemat bhi vasool sakte hain, lekin satta ki chaabi apne haath mein naheen rakh sakte. Daraasal yedayurappa ne apne raajaneetik prabhaav mein party ki bhoomika ko samajhne mein vaisi hi galati ki, jaisi kalyaan Singh se lekar uma bhaarati tak BJP ke kai netaaon ne ki. Doosari or BJP bhi in netaaon ka vikalp naheen taiyaar kar paai. Nateeja yah raha ki der-saber aise tamaam neta BJP mein laut aae aur BJP bhi inhein sveekaarane ko majaboor hui. Karnataka mein bhi der-saber yahi hona hai. Donon paksh jitni jaldi yah baat samajh lein donon ke liye achha hai.

Karnaatak Alag-alag Koi Bhavishya Naheen Yedayurappa Aur BJP Ka https://www.angrejinews.com/pic/8032