Karmashal Kaumpleks Mein Aag Lagne Se 4 Mahilaaon Ki Maut

India »

Karmashal Kaumpleks Mein Aag Lagne Se 4 Mahilaaon Ki Maut

PTI. Coimbatore yahaan ek chaar manjila karmashal kaupleks ki teesari manjil par guruvaar ko lagi aag mein 4 mahilaaon ki maut ho gayi, jabki 7 anya ghaayal ho gaye. Police ne bataaya ki marne vaalon mein se ek stock brokarej company ki karmachaari thi. Jabki baaki do house keeping karmachaari the. Jo ghaayal hue hain, unamein se kuchh imaarat mein aag lagne ki dahashat mein doosari aur teesari manjil se kood gaye the. Police bataaya ki kareeb 200 logon ko imaarat se surakshit nikaal liya gaya. Is imaarat mein kul 8 companiyon ke daftar the. Vaayusena aur nausena ke damakal vaahanon sahit kul 9 gaadiyon ne kareeb do ghante baad aag par kaaboo paaya. Brokarej farm mein kaam karne waali do mahila karmachaari, jo aag ki dahashat mein kood gayi theen, unki haddiyaan toot gain aur unhein paas ke aspataal mein bharti karaaya gaya. Aag bujhaane ke dauraan do damakal karmachaari bhi gir gaye. Unhein bhi aspataal mein bharti karaaya gaya hai.

Karmashal Kaumpleks Mein Aag Lagne Se 4 Mahilaaon Ki Maut https://www.angrejinews.com/pic/6818