Karj Chukaane Ke Liye Truck Driver Ne Apnaaya 'Gunaah Ka Raasta', Giraftaar

Breaking »

Karj Chukaane Ke Liye Truck Driver Ne Apnaaya 'Gunaah Ka Raasta', Giraftaar

Basti Uttar pradesh ke basti jile mein puraani basti ilaake ki police ne Budhvaar ko ek truck pakada. Is truck mein 45 lakh rupaye ki avaidh angreji sharaab ladi hui thi. Police ka daava hai ki yeh sharaab Haryana se le jaakar Bihar mein holi aur Loksabha chunaav ke dauraan khapaai jaani thi. Iske saath hi police ne truck driver se bhi poochh-taachh ki, jismein kai aham khulaase hone ki ummeed hai. Esaechao sarvesh rai ke mutaabik, Bihar ke gopaalaganj ilaake ke rahane vaale aaropi upeindr paathak ne poochh-taachh mein bataaya ki 2016 mein usane truck faainains karavaaya tha. Pichhle kuchh maheene se bhaada kam milne ki vajah se vah truck ki kisht jama naheen kar pa raha tha. Isi dauraan usaki pehchaan Haryana jile ke fareedapur nivaasi pahalavaan Singh se hui. Pahalavaan Singh avaidh sharaab ka kaarobaari hai aur bade paimaane par sharaab ki taskari karavaata hai. Pahalavaan se deal hone ke baad mota paisa kamaane ke chakkar mein upeindr ne taskari ka kaam shuroo kar diya. Upeindr ko Haryana se Bihar ek truck sharaab pahunchaane ke badle do se dhaai lakh rupaye milte the. Pichhle ek maheene se vah sharaab ki taskari kar raha tha. Bihar mein sharaab pahunchaane ke liye yeh upeindr ka chautha chakkar tha. Esaechao ke mutaabik, Bihar pahunchane ke baad dilivri ke liye bhi truck pahalavaan ke log upeindr se le lete the. Eesapi pankaj Kumar ne bataaya ki mukhabir ki soochana par truck parasa jaafar chauraahe se pakada gaya. Bihar ki number plate lagi truck mein angreji sharaab ki 20,232 botalon ke alaava 70 khaali drum baraamad hue. Jabt ki gayi sharaab ki keemat kareeb 45 lakh rupaye hai. Aaropi driver upeindr ko arest kar report darj ki gayi hai.

Karj Chukaane Ke Liye Truck Driver Ne Apnaaya 'Gunaah Ka Raasta', Giraftaar https://www.angrejinews.com/pic/261012