Kareena Huin Aaliya Se Naaraaj

Movies » Tuesday, July 8, 2014

Bollywood mein dheere-dheere number van ki kursi par pahunchane ki taiyaari kar raheen aaliya bhatt ko media bollywood ki nai Kareena Kapoor ki sanjnyaa de raha hai. Ab aaliya ke liye yeh khabar achhi hai ya naheen, iska to pata naheen, lekin bebo maidam jaroor is baat se khaasi naaraaj ho gayi hain. Kareena Kapoor ko aaliya bhatt ke saath apni tulana bilkul bhi pasand naheen aa rahi hai. Gaurtalab hai ki aaliya bhatt ke kaam va unke talent ko Kareena ne bhi saraaha hai, lekin koi unki tulana kisi nae sitaare se kare yeh unhein shuroo se hi pasand naheen raha hai. Kareena ka maanana hai ki unhonne abhi tak bollywood ki duniya ko alvida naheen kaha hai, to koi kaise unki jagah le sakta hai. Vaakai, Kareena apne aap se behad pyaar karti hain aur unka maanana hai ki bollywood mein sirf aur sirf ek hi Kareena Kapoor hai. Koi aur unki jagah unke rahate naheen le sakta. Khair, ab yeh to aaliya par hai ki kya vah bhi khud ko Kareena kahalavaana pasand karti hain ya naheen.