Karataarapur Nai Delhi Mein Baithak Taali, Pak Adhikaariyon Se Haath Na Mila Bhaarat Ne Diya Bada Sandesh

Breaking »

Karataarapur Nai Delhi Mein Baithak Taali, Pak Adhikaariyon Se Haath Na Mila Bhaarat Ne Diya Bada Sandesh

Ataari/nai Delhi Pulavaama aatanki hamle ke baad se hi Bhaarat aur Pakistan ke beech tanaav barkaraar hai. Border ke donon taraf senaaen alert hain. Is beech, karataarapur corridor ko lekar Bhaarat aur Pakistan ke pratinidhiyon ne guruvaar ko ataari mein baithak bhale ki ho par rishton mein garmaahat nadaarad thi. Aamne-saamane bhale hi bhaarateeya afsar baithe par unhonne Pakistan ke adhikaariyon se haath tak naheen milaaya. Is dauraan Bhaarat ne Pakistan ko spasht sandesh diya ki jab tak vah aatankvaad ko samarthan dena jaari rakhega, dwipaksheeya samvaad fir se shuroo naheen hoga. Karataarapur: Bhaarat ne kaha, visa free entry de Pak Sootron ne bataaya ki sanyukt check-post sammelan hall mein hui baithak bahut hi peshevar aur vyaavasaayik tareeke se aayojit ki gayi. Pehle charan ki vaarta mein bhaarateeya pratinidhimandal ka netrutv karne vaale gruh mantraalaya ke sanyukt sachiv esaseeel das ne kaha, 'Baithak mein haath naheen milaaya. Mainne namaste kiya. Bas khatm. ' Pakistani pratinidhimandal dvaara svaagat kiye jaane ki report ko khaarij karte hue das ne kaha, 'Humne bilkul spasht kar diya tha ki yeh ek bahut hi keindrit, peshevar aur vyaavasaayik tareeke ki baithak hai. ' Nai Delhi mein baithak na hone mein bhi chhipa sandesh Das ne kaha ki nai Delhi mein baithak aayojit na karne ka kaaran ek spasht sandesh dena tha ki maujooda haalaat mein donon deshon ke beech koi dwipaksheeya samvaad naheen ho sakta. Pulavaama aatanki hamle se pehle yeh baithak nai Delhi mein aayojit ki jaani thi. Das ne kaha, 'Yahi kaaran tha ki humne nai Delhi mein baat naheen ki. Ham spasht sanket dena chaahate the ki yeh dwipaksheeya vaarta ki shuruaat aur rishton ka saamaanyeekaran naheen hai. ' Unhonne kaha ki baithak sirf karataarapur galiyaara pariyojana par charcha ke liye aayojit ki gayi thi. Unhonne kaha, 'Ham keval hamaare logon ke liye (karataarapur mudde par) paripkvata aur sanvedanasheelata dikhaana chaahate the. Yeh ek aitihaasik va shubh mauka tha. Agar ham logon ki bhaavanaaon ka sammaan naheen karte to yeh hamaari sarkaar ko bahut alag tareeke se pratibinbit karega. ' das ne kaha, 'Iseeliye humne ek saaf aur spasht rekha kheenchi. Sandesh bahut hi jordaar aur spasht tha. Baithak nai Delhi mein naheen hui. Ham yahaan seema par baat karne ke liye aae. '

Karataarapur Nai Delhi Mein Baithak Taali, Pak Adhikaariyon Se Haath Na Mila Bhaarat Ne Diya Bada Sandesh https://www.angrejinews.com/pic/261242