Karanaal Mein Do Ladkiyon Ko Kiya Agava

India » Saturday, April 13, 2013

pramukh samvaadadaata . Chandigarh karanaal jile ke gharaunda ilaake mein agyaat yuvakon ne shukravaar dopahar do ladkiyon ko agava kar liya. Inmein ek ladki himmat dikhaate hue chalti gaadi se kood gayi, doosari ladki ka ab tak koi suraag naheen mil paaya hai. Gharaunda ke bheedbhaad vaale ilaake railway rod par hui is ghatna se dahashat ka maahaul hai. Shukravaar dopahar railway rod par gaanv araaipoora ki do ladkiyaan khareedaari karke vaapas ja rahi thi. Isi dauraan Panipat ki taraf se ek safed rang ki dastar gaadi I aur khidki khol donon ladkiyon ko jabaran gaadi mein daal liya. Is ghatna ke chashmadeed kuchh yuvakon ne shor macha diya aur baaik lekar gaadi ke peechhe lag gaye. Lekin gaadi ki speed jyaada hone ke kaaran ve use naheen pakad paae. Maamale ki soochana police ko di gayi. Kareeb aadha kilometer door jaakar agava ki gayi ek ladki ne kidnaiparon se joohjte hue chalti gaadi se chhalaang laga di. Vah ghabaraai haalat mein apne gaanv pahunchi aur poori ghatna apne parijanon ko bataai. Ghatna ki jaankaari milte hi ladki ke parijan bhi gharaunnda thaane mein pahanuch gaye. Pratyakshadarshi sonoo ne bataaya ki agava karne vaale gaadi ko lekar karanaal ki or bhaag gaye. Gaanv ke sarapanch ne bataaya ki unhonne thaane mein aakar poori ghatna ki jaankaari police ko day di hai. Mauke par pahunche DSP jogindr raathi ne bataaya ki agava ki gayi ladki ki talaash jaari hai. Jald hi maamale ka khulaasa kar diya jaaega.