Karaman Border Paas Enaech Par Kai Ghante Jaam

India »

Karaman Border Paas Enaech Par Kai Ghante Jaam

ek samvaadadaata. . Hodal karaman border ke paas shanivaar der raat se ravivaar subah 11 baje tak enaech par jaam ki vajah se aavaajaahi thap rahi. Isse logon ko pareshaaniyon ka saamana karna pada. Kai kilometer door tak gaadiyon ki lambi kataar lag gayi. Jaam ki soochana milne ke kai ghante baad police mauke par pahunchi. Iske baad gaadiyon ko dheere-dheere aage badhaakar jaam hatavaaya. Haryana-UP ke karaman border par shanivaar der raat se jaam lagana shuroo ho gaya tha. Jaam ke dauraan border par police ki vyavastha na hone ke kaaran UP va Haryana mein aane-jaane waali gaadiyon ke driver ne pehle nikalne ke chakkar mein haaive par gaadiyon ko aada-tirchha khada kar diya. Isasase sadak ke donon or gaadiyon ki lambi kataarein lagani shuroo ho gain. Dekhte hi dekhte enaech par aavaajaahi poori tarah thap ho gayi. Ravivaar subah 8 baje tak highway par kareeb 10 kilometer door tak gaadiyon ki kataar lag gayi. Delhi se Agra Tajmahal tooristonn ko le ja rahe ek driver ne bataaya ki vah ravivaar subah chaar baje ke is jaam mein fanse hue hain. Unhonne bataaya ki unki gaadi ke aage aur peechhe lambi kataar lagi hui hai. Na to vah apni gaadi ko aage le ja sakte hain aur na hi peechhe. Jaam ki vajah se ambulance bhi ismein fansi rahi. Raat ko highway par jaam ki soochana milne ke baavajood police ravivaar subah lagbhag 9 baje hodal police jaam khulavaane ke liye karaman border pahunchi. Policekarmiyon ne lagbhag 2-3 ghante ki mashakkat ke baad dheere-dheere vaahanon ko aage badhaaya tab jaakar jaam khul saka.

Karaman Border Paas Enaech Par Kai Ghante Jaam https://www.angrejinews.com/pic/5581