Kapaas Utpaadan Ghatkar 312 Lakh Gaanth Rahane Ka Anumaan

Business »

Kapaas Utpaadan Ghatkar 312 Lakh Gaanth Rahane Ka Anumaan

Mumbai, 11 July (bhaasha) bhaarateeya kapaas sangh ne 2018-19 satr (October-September) mein fasal utpaadan anumaan 3 lakh gaanth (ek gaanth 170 kilogram) kam kar 312 lakh gaanth rahane ki sambhaavana jataayi hai. Mukhya roop se dakshin mein kam baarish ke kaaran yeh anumaan kam kiya gaya hai. sangh ne bruhaspativaar ko kaha ki June anumaan ke anusaar dakshini kshetr se kapaas utpaadan 3.25 lakh gaanth kam rahakar 68.50 lakh gaanth rahane ki sambhaavana hai. May mein association ne iske 71.75 lakh gaanth rahane ki bhavishyavaani ki thi. telangaana aur Andhra pradesh mein kapaas utpaadan kramash: 2.50 lakh gaanth aur 2 lakh gaanth kam rahane ka anumaan hai. isi prakaar, Maharashtra aur madhya pradesh mein utpaadan kramash: 2.88 lakh gaanth aur 7,000 gaanth kam rahane ka anumaan hai. haalaanki, uttari kshetr mein May ke 59 lakh gaanth anumaan ko barkaraar rakha gaya hai. Vaheen madhya kshetr ke liye utpaadan 30,000 gaanth adhik rahane ki sambhaavana jataayi gayi hai. Isi prakaar, Orissa mein utpaadan May ke mukaabale 2,000 gaanth adhik rahane ka anumaan hai. sangh ke anusaar ghareloo khapat 315 lakh gaanth rahane ka anumaan hai jabki pichhla bacha hua maal 15 lakh gaanth anumaanit hai.

Kapaas Utpaadan Ghatkar 312 Lakh Gaanth Rahane Ka Anumaan https://www.angrejinews.com/pic/286144